Nafarroako Gobernuak zenbait udalerriren tokiko azpiegiturak hobetzeko inbertsioak onartu ditu eta horien artean, Iruritan ur hornidurarako Irurita Soluzioaren bigarren faserako 365.194 euroko inbertsioa egitea onartu du. Horretarako, 278.538 euroko dirulaguntza emanen du Gobernuak.
Ur bilketa berria eginen da Iruritari eta egun soluzio horretan dagoen Lekarozi ur-hornidura handitzeko. Aipatzekoa da, uda honetan ur-hornidura arazo larriak izan dituztela bi herrietan, baita mozketak eta murrizketak ere. Gainera, etorkizunean soluzio honekin bat eginen dute Gartzain, Ziga, Zigaurre eta Arraiozek ere.