Ardo Dastaketa Artistikoa antolatu dute Baigorriko Etxauzia Gazteluan maiatzaren 13an

Ttipi-Ttapa 2017ko mai. 12a, 09:02
Deskargatu Info Ahotsak :
Español English Français Català Galego

Baigorriko Etxauzia gaztelua erosteko asmoarekin bat egiten duen ekimena da larunbatekoa.

Ipar Euskal Herriko arno eta produktuak dastatzeaz gain, margo, musika eta bideo sorkuntzak ikusgai eta entzungai izanen dituzte 

Maiatzaren 13an, larunbatarekin, 19:30etik aurrera, Baigorriko Etxauzia gazteluko ganbara ederrean Ardo Dastaketa artistikoa antolatu du Etxauzia Nafartarren Etxeak. Mikel Garaizabal enologo ezagunak gidaturik, Euskal Herri osoko jatorrizko marka ezberdinetako ardoak dastatuko dituzte. Dastaketan zehar, zilueta misteriotsu batek koadro erraldoi bat margotuko du, zuzeneko musika eta bideo sorkuntzaz lagundurik. Eta aktore bik, zerbitzari, kantari, poeta eta zirikatzaile lanak eginen dituzte.

 

Arno eta arno artean, tokiko hainbat produktu ere dastatu ahal izango dituzte: xingarra, gasna, txokolatea eta biskotx ttipiak. Ikusgarria Ipar Euskal Herriko sor marka guziek bat eginik babestua da: Ossau-Iraty, Ezpeletako Biperra, Kintoa Xingarra eta Irulegiko Arnoa. 

Sarrerak salgai www.etxauzia.eus web gunean: ardo dastaketa, afaria, ikuskizun artistikoa: 15 euro. Ikuskizunaren ideia bat egiteko: www.hordagoardoa.com

Etxauzia Nafartarren Etxea egitasmotik dioenez, “gure asmoa Etxauzia Gaztelua erostea da, bertan Ipar Euskal Herri barnealdea biziarazteko proiektua gauzatzeko. Ekimen honekin, hori lortzeko abiatu dugun kanpainari ekarpena eginen diogu”.

Kultura

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!