Honela, bazkide txikiek 5 euro ordaindu beharko dute eta opari sorpresa jasoko dute. Bazkide Lagunak 15 euroko urteko saria ordaindu beharko du. Horren truke, partiden ondorengo hirugarren denboretan BRTetxe elkartean pintxo, garagardo, edo tragoxka musu-truk hartzeko aukera izanen dute, zelaiko tabernan tragoxkak merkeago, BRT taldeak saltzen duen materialean eta taldeak antolatutako bidaia eta ekintzetan deskontuak, taldeari buruzko informazio zehatza eta eguneratua whatshap edo emailez hartzeko aukera eta urteroko Ultzamako gaupasarako sarrera debalde izanen dute. Aurten maiatzaren 6an izanen da besta. Bazkide Babesleak, berriz, 30 euroko urteko saria ordainduz, onura horiek guztiez gain, urteroko festako afaria debalde izanen du, baita taldeak egiten duen bazkideen batzarretara joateko eskubidea ere.
2016an ere bazkide zirenek eta bazkide izaten segitu nahi dutenek BRT-ri adierazi beharko diote (brt@baztanrt.com helbidera idatziz, whasapp edo sms bidez 619196780 telefonoan, edo taldeko bitartekoari erranez) eta berehala jasoko dute txartel berria. Harpidetza utzi nahi dutenek ere bide beretik adierazi beharko dute.