Nafarroako euskarazko hedabideak

Urtetik urtera laguntza murritzagoak Nafarroako euskarazko hedabideentzat

Ttipi-Ttapa 2016ko ira. 14a, 13:55
Nafarroako Gobernuak eta Eusko Jaurlaritzak emandako diru-laguntzen bilakaera aztergai.

Lau urtez (2012-2015) Nafarroako Gobernuaren ­diru ­laguntzarik gabe egon ondotik, 2016an berreskuratu dira. Berri pozga­rria dirudi, baina egoera makurragoan gelditu dira, ia den-denek diru ­kopuru ­ttiki­agoa jaso ­dutelako. Gainera, 24 urtez Eusko Jaurlaritzak emandako lagun­tzarik ere ez dute izanen, guttienez ondoko hiru urteetan.
Historikoki, Eusko Jaurlaritzak Nafarroako Gobernuak berak baino diru gehiago inbertitu du Nafarroako euskarazko hedabideetan. Hemendik aitzinera ordea, Eusko Jaurlari­tzak Nafarroako Gobernuarekin ­horrela adostuta, ez ditu herrialde honetako euskarazko hedabideak diruz lagunduko.

 

Batek baino gehiagok pentsatuko zuen Nafa­rroako euskarazko hedabideen egoerak hobera eginen zuela garai berriekin. Bada, ez da hala izan. Salbuespenak salbuespen, diru-lagun­tzei dagokionez, 2016a izanen da inoizko urterik txarrena. Ondoko orri­aldean dagoen taulan ageri da hedabide bakoitzak Nafarroako Gobernutik (NG) eta Eusko Jaurlaritza­tik (EJ) hartu dituen lagun­tzen bilakaera.
2011 izan zen UPNren gobernuak laguntzak banatu zituen azkeneko urtea. Hala ere, heda­bide nafarrek bazuten Eusko Jaurlari­tzaren laguntza, eta hari esker biziraun dute urteotan.
Aurten, bi administrazioak elkar hartuta, ‘ardurak’ banatzea adostu dute, eta kaltetuak… Nafarroako euskarazko komunikabideak.

Erlazionatuak
Nafarroako Gobernuak eta Eusko Jaurlaritzak emandako diru-laguntzen bilakaera 2011tik 2016ra.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun