erran.eus

Banketxeekin duten zorra 1,9 milioi euro murriztu dute udalek

  Ekonomia  Mendialdea

Eskualdeko zortzi herrik ez dute inolako zorrik

TTIPI-TTAPAren Hego Euskal Herriko eremuan dauden 25 udalerriak gerrikoa estutzen ahalegindu dira, 2011ko datuekin konparatuz, udal gehienak murriztu egin baitute banketxeekin duten zorra; 2011 bukaeran 20.379.000 eurokoa zen 17 udalen zorra eta 2012ko abenduaren 31n zorra 18.447.000 eurokoa zen. Aitzineko urteetako joerarekin segituz, eskualdeko zortzi herrik ez dute inolako zorrik.

Banketxeekin duten zorra 1,9 milioi euro murriztu dute udalek
2012 hondarrean eta 2011 bukaeran udalek bankuekin zuten zorra. | Ikusi handiago | Argazki originala

TTIPI-TTAPAren Hego Euskal Herriko eremuan dauden 25 udalerrietatik­ 17k 18.447.000 euroko zo­rrekin itxi zuten joan den urtea. Horixe ondorioz­ta daiteke Espainiako Gobernuko Ekonomia eta Ogasun Ministe­rioak argitaratu­ dituen datuetatik. Emandako zenbakiak udalen zor biziari dagozkie, hau da, banketxeetan dauden zorrak dira.

2011ko datuekin konparatuz, udal gehienak gerrikoa estutzen ahalegindu dira, zorra murriztu egin baitute; 2011 bukaeran 20.379.000 eurokoa zen aipatu 17 udalen zorra. Aldiz, 2012ko abenduaren 31rako 1.932.000 euro murriztua zuten zo­rra. Bera, Bertizarana, Elgorriaga dira zorra igo duten udalerriak, seguruenik eginda­ko inber­tsioen ondorio. Gisa berean, zortzi dira banketxeekin zo­rrik gabe segitzen duten eskualdeko herriak: Arano, Bein­tza-Laba­ien, Donamaria, Ezku­rra, Goizueta, Saldias, ­Urroz eta Zu­bieta.

Eskuineko taula honetan klilkatuz gero, es­kualdeko 25 udalek 2012 hondarrean eta 2011 bukaeran bankuekin zuten zorra ikus daiteke, baita bi urteetako aldea ere.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa