Oiz: I. Zelaieta – I. Bereau – L. Mendiola – G. Zelaieta.
Irurita: J. Azkarate – J. Urtasun – I. Etxandi – G. Etxenike.
Markagailua: 0-3, 1-3- 1-7, 2-7, 2-9.
Lehenbiziko jardunaldiko lau partidetatik, bakarra jokatu ahal izan zen euriarengatik, Oizko plazan igande arratsaldean. Eta beharrik partida motza izan zela, langarra bota zuelako.
Partida honetan interesgarriena bi taldetako sakalariak izan ziren. Oizko taldean sekulako etorkizuna duen Ioritz Zelaieta gazteak hartu zuen ardura hori; bera izanen da datozen urte anitzetan Oizko sakalaria. Aurtengoa oiztarrentzat trantsiziozkoa izanen dela ematen du. Iruritan, berriz, Jorge Azkarate ezkerra itzuli zen plazara. Urte batzuk jokatu gabe egon ondoren, maila hagitz ona erakutsi zuen, beti izan duen teknika ez duela batere galdu eta fisikoko ere punttu-punttuan. Berarekin Iruritako taldea indartu egin da.
Bigarren jardunaldia hurrengo asteburuan
Datorren asteburuan jokatuko dute bigarren jardunaldia, partida hauekin:
A Multzoa
Doneztebe Titi – Doneztebe zarbonet, igandean 17:00etan.
Irurita Miguelene – Doneztebe Apezteguia, igandean 17:00etan.
Atsedena: Arraioz Sagardia.
B multzoa
Doneztebe Avia – Oiz Kokoetxea, larunbatean 17:00etan.
Doneztebe The Moment - Irurita Biek, igandean 11:30ean.
Atsedena: Doneztebe Suma