erran.eus

Etxeberria anaiak nagusitu dira labaiendarren arteko aizkora apustuan

  Kirola  Malerreka  Doneztebe

Pello eta Jon Telletxeari 3 minutu eta 25 segundoko aldea atera zieten, 500 lagun bildu zituen Doneztebeko Ezkurra pilotalekuan

Beintza-Labaiengo lau aizkolarik indarrak neurtuzituzten martxoaren 19an, igande eguerdian Doneztebeko Ezkurra pilotalekuan egindako apustuan. Jesus Etxeberria eta Miguel Angel Etxeberria anaiak alde batetik, eta Pello Telletxea eta Jon bertzetik, aritu ziren. Bikote bakoitzak hamar kanaerdi eta lau oinbiko enbor moztu zituen eta jokoan jarritako 2.000 euroak Etxeberria anaiek eraman zituzten, nagusitasunez irabazi ondotik. 500 lagun bildu ziren apustua ikustera.

Etxeberria anaiak nagusitu dira labaiendarren arteko aizkora apustuan
Ezkurra pilotalekuko harmailak bete ziren labaiendarren arteko apustua ikusteko. | Ikusi handiago | Argazki originala

 

Martin Mindegia, izan zen Etxeberria anaien erakuslea eta Hilario Mindegia , beriz, da Telletxeatarren erakuslea. Felix de Miguel eta Angel Telletxeak egin zituzten epaile lanak.

Hasieratik hasi ziren Jesus eta Miguel Angel Etxeberria nagusitzen. Lehen kanaerdikoan 16 segundo aitzinetik izan ziren eta pixkanaka aldea handitzen joan ziren. Lan erdietan, 5 kanaerdiko eta bi oinbiko moztu zituztenean, Etxeberriatarrek 2 minutu eta 21 segundoko abantaila zuten.

Azkenean 45 minutu behar izan zituzten lanak burutzeko. Jon eta Pello Telletxeak 3 minutu eta 25 segundo gehiago behar izan zituzten, 48 minutu eta 25 segundo. Kanaerdiko baten eta bertzearen erdiaren aldea.

 

Denborak enborrez enbor

Enborrez enbor hauek izan ziren Jesus eta Miguel Angel Etxeberriaren denborak: 1.49, 3.41, 5.40, 7.53, 10.10, 15.26, 20.37, 23.13. 28.22, 34.21, 37.05, 39.47, 42.35 eta 45.00. Jon eta Pello Telletxearen denborak, berriz, hauek izan ziren: 2.05, 3.58, 6.01, 8.23, 11.06, 17.13, 22.58, 25.46, 31.31, 37.43, 40.42, 45.13, 45.31 eta 48.25.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa