Maiatzaren 6an eginen dute Beran junior mailako txirrindulariei zuzendutako probaren 40. edizioa
Datorren maiatzaren 6ean (larunbata) 40. Felix Errandonea Memoriala antolatu du Berako Gure Txokoa elkarteak, juniorrentzako txirrindularitza proba. Arratsaldeko 5etan hasiko da eta bi ordu beranduago bukatuko den proban laguntzeko boluntarioak behar ditu Gure Txokoak.
Berako elkarteak bidalitako oharrak dioenez, «ongi dakizuen bezala, bolondresak beharko genituzke, bai bidegurutzetan egoteko baita motoetan joateko ere. Animatzen bazarete, idatzi email bat guretxokoaelkartea@gmail.com helbidera edo idatzi mezu bat 626309438 zenbakira».
Egunean bertan 16:15ak aldera Iamotenean egon beharko dira boluntarioak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.