erran.eus

Kantu Zahar bazkaria eskainiko dute martxoaren 11n Ibardingo Mendikon

  Kultura  Bortziriak  Bera

Garapen agente izandako Arantxa Arregi omenduko dute, eskualdean turismoa eta kultura sustatzen egindako lana eskertzeko 

Berako Ibardingo Mendiko sagardotegian Kantu Zahar bazkaria antolatu dute aurten ere, martxoaren 11n. Larunbat horretan 14:00etan eginen den bazkariaren eta bertan banatuko den kantu liburuaren prezioa 45 eurokoa da. Gainera, urtetan Cederna-Garalur erakundearen eskualdeko garapen-agentea izan den Arantxa Arregiri omenaldia eskaintzeko aprobetxatuko dute.

Kantu Zahar bazkaria eskainiko dute martxoaren 11n Ibardingo Mendikon
Arantxa Arregi omenduko dute Mendikoko kantu zahar bazkarian. | Ikusi handiago | Argazki originala

 

Partehartzaileei dagokienez, batzuk ohikoak eta bertze batzuk berriak izanen dira. Ohikoak, Angel Mariezkurrena (antolatzailea), Aitor Mendiluze bertsolaria, Frantzisko Santxotena (eskujolea) eta Aitor Ibarra  Jalisko (tronpeta) izanen dira. Berrikuntza nagusiak, berriz, Zuberoako 26 emakumek osatzen duten Buhaminak abesbatza eta Eskozia eta Irlandako zeltiar musika gaitarekin eta bertze hainbat musika-tresnekin jotzen duen Ivan Allue bilbotarra izanen dira.

Hiru urtez kantu afariak egin zituzten eta azken bi urteotan kantu-bazkaria antolatu dute Mendiko sagardotegiak eta Angel Mariezkurrenak.

Izen-ematea edo erreserba 948 630302 edo 670 365011 telefonoetan egin daiteke.

2017/03/11 14:00

Ibardingo Mendiko sagardotegia Bortziriak Bera

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa