erran.eus

85 lasterketetan parte hartu dute Manttaleko korrikalariek 2016 urtean

  Kirola  Bortziriak  Bera

Unai Santamariak, Gwendal Larquék eta Ane Elzaurdiak garaipenak lortu dituzte

Manttale Mendi Lasterketa Taldeak, 2016. urteko denboraldia 85 parte hartzeekin itxi du, bai mendi lasterketetan, baita errepideko lasterketetan ere parte hartuz. 2015. urtearekin alderatuta ez da 143 lasterketetara iritsi, izan ere, orduan 10. urteurrena ospatzeko 100 lasterketen erronka izan zuten, baina hala ere zerrenda luzea atera da. 

85 lasterketetan parte hartu dute Manttaleko korrikalariek 2016 urtean
Manttaleko kideek emaitzak bikainak lortu zituzten iaz ere. | Ikusi handiago | Argazki originala

 

Urtarrilaren 7an eman zitzaion hasiera Araitz Betelu lasterketarekin eta urteko azken egunean, Lesaka, Hondarribia eta Doneztebeko San Silvestreekin eman zitzaion amaiera. 51 lasterketa mendian izan ziren eta gainontzeko 34ak errepidean.

Unai Santamariak Nafarroa Extremen irabazi zuen, 67 kilometro dituen eta helmuga Zubirin daukan ultratrailaren bere lehengo edizioan. Gwendal Larqué-k ere garaipena lortu zuen, Ustaritzeko Arrauntz Lasterketan, eta Asier Apezetxeak bigarren postuak lortu zituen Zestoako Kobaz Koban, Oleta-Yasola-Oletan eta Kintoa Kurrin. Gainera Anjeltxo Aranibar hirugarren izan zen Urdazubiko Kontrabandisten lasterketan eta Jone Zelaieta Bidarraiko Mendi Erdi Maratoian eta Kintoa Kurrin. Azu Carro bigarren izan zen Ezkarozeko Udazkeneko krossean eta Ane Elzaurdiak garaipena lortu zuen  Zestoako Krossean.

Monrealeko Extreme Higan ospatu zen Nafarroako taldekako txapelketan Manttale laugarren izan zen.

 

Maddi Sotil bigarren Nafarroako Txapelketako sailkapen orokorrean

Nafarroako VIII Mendi Lasterketa Txapelketan Manttaleko Maddi Sotilek, bigarren postua lortu zuen sailkapen orokorrean 456 punturekin Jurramendi Trail, Triku Trail eta Lakuntza Aralarreko lasterketetan lortuako emaitza onei esker. Maider Frailek lortu zuen lehen postua 560 punturekin.

Bestale Txus Unsion, seigarren izan zen beteranoen sailkpen orokorrean 512 punturekin eta bertan irabazlea Mikel Guerra izan zen 690 punturekin.

Manttaleko 30 bat korrikalarik mendi lasterketetan parte hartu zuten hala nola, Zegama-Aizkorri, bai maratoiean eta bai kilometro bertikalean, ultratrail Transgrancanaria, Lezo-Jaizkibel, Senpereko Trail. Donostia-Hondarribia Talaia Bidea, Larraul-Ernio-Larraul, Berako Mendi Maratoi Erdia, Laruneko kilometro bertikala, Arantzako Mendi Lasterketa, Trail Mallos de Riglos, Euskal Herria Mendi Erronka, Camille Extrem, Ezpeletako gau lasterketa, Trail Fonts del Montseny, Bidarraiko Lasterketa, Azkain-Larun-Azkaine , Nafarroa Extrem, Sara Korrika, Skyruhne, Gorbeia Suzien eta Orreaga-Zubirin.

Errepideko lasterketetan aipatzekoak dira Behobia San Sebastia, Martin Fiz Maratoia, Donostiako Erdi Maratoia, Donibane Lohitzune-Hondarribia, Gasteizko Erdi Maratoia, Azkoitia-Azpeitia, Lizuniaga, San Martzial eta Guadalupeko igoerak, Doneztebeko krosa, Iruñako 10 kilometroak, Iruneko gau lasterketa edota Txingudi Korrika.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa