erran.eus

Elizondoko bestetako kartel lehiaketa eginen dute aurten ere

  Gizartea  Baztan  Elizondo

Lanak ekainaren 2a baino lehen aurkeztu beharko dira Herriko Etxeko buzoian

Elizondoko Herriak bestetako kartel lehiaketa antolatu du aurten ere. Lehiaketa irekia izanen da eta nahi adina lan aurkezten ahal izanen dira. Ondoko testua agertu beharko da: Santioak 2017 Elizondoko bestak, Uztailaren 24tik 28ra. Ekainaren 2a baino lehen aurkeztu beharko dira.

Elizondoko  bestetako kartel lehiaketa eginen dute aurten ere
Elizondoko Santiago bestetarako kartelaren bila hasiak dira. | Ikusi handiago | Argazki originala

 

Kartelaren neurria A3koa izanen da eta euskarri digitalean aurkeztu beharko dira, eta horrekin batera, orri batean inprimatua. Euskarri digitalak lelo bat izanen du, eta lelo hori daraman gutunazal batean egilearen datuak idatzi beharko dira. Lanak Elizondoko Herriko Etxera bidali beharko dira ekainaren 2a baino lehen.

Elizondoko Herriko Etxea,  Jaime Urrutia 4, 31700 Elizondo (Nafarroa).

Elizondoko Besta Batzordea izanen da epaimahaia eta ekainaren 9tik aitzinera jakinaraziko dute erabakia. Irabazleak 150 euro eta zikirorako bi txartel eskuratuko ditu. Abuztuaren 4tik aitzinera parte hartzaileek beren lanak berreskuratu ahal izanen dituzte antolatzaileekin harremanetan jarriz.

2017/04/21

Elizondoko Herriko Etxea Baztan Elizondo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa