Mikel Ortega izan zen txupinazoa bota zuena eta igandera bitarte ospatuko dituzte Salbatore bestak

Ohi bezala, Iruritak hasi du eskualdeko besten egitaraua. Maiatzaren 8an, asteazken eguerdian piztu zuten lehen suziria Baztango gaiteroek, Mikel Ortegaren eskutik, bestei hasmenta emanez. Hogei urte baino gehiago ditu Baztango Gaiteroak taldeak Iruritako Salbatore bestetan eta hori eskertu nahi izan zieten. Argazkiak: Ondikol

Sagaseta eta Iturregi aurrez aurre izanen dira aitzineko koadroetan, Ion eta Otano lagun dituztela, eta jaialdia esku pilotako profesionalen arteko partida batekin hasiko da ortzegunean 18:00etan Aranabian

Euskal Jai erremonte fundazioak antolatutako Udaberriko erremonte txapelketako hirugarren jardunaldia jokatuko dute maiatzaren 9an Iruritako Aranabia pilotalekuan, herriko besten barrenean. Gainera, Irurita bertako bi erremontista profesional berriren arteko lehia ikusteko aukera emanen du. Jon Sagaseta iruritarra eta Ion, Xuban Iturregi iruritarraren eta Otanoren kontra ariko dira.