Udaberriko koloreak inguruan zabaltzen hasten direnean, haiei begira gozatzen du Arantxa Etxeberria Bengotxeak. Udazkenarekin batera, gehien maite duen urtaroa da udaberria: «urtaro hauetan sortzen diren koloreak eta giroa aunitz gustatzen zaizkit». Jendearen aldartean ere bistakoa omen da negua joan dela: «herrian herritarren giroa nagusitzen den momentuak dira». 

Basaizea elkarteak antolatuta Nafarroaren Eguna ospatuko dute apirilaren 28an Baigorrin. Beti bezala, aurten ere egitarau zabala izanen dute apirileko hondar igandean.