1980an ireki zuten Sansiñena garajea Elizondoko herrigunean, «baina Sansiñena anaiek bazuten lehenagotik ere tailerra». Gurasoen pausoak segituz ari dira gaur egun lanean bertan, baina «kotxeak aldatu diren neurrian aldatu da lan egiteko modua: makineria, ordenadoreak, berrikuntzak… lan fisikoa bada ere, aunitz aldatu da».

Errekaren lauko finalaz eta BRT Menditarrak taldearen txapeldunen lehen kanporaketaz gain, futbol taldeek ere beraien helburuak betetzeko partida garrantzitsuak izanen dituzte

Apirileko azken asteburua garrantzitsua izanen da eskualdeko kirol talde aunitzentzat. Eskubaloian Errekako gizonezkoek Lekunberrin jokatuko duten lauko finala eta errugbian, BRT Menditarrak taldeak Lekarozen jokatuko duen txapeldunen play-offeko lehenbiziko kanporaketako joanekoak izanen dira partidarik garrantzitsuenak. Futbolean, Gure Txokoak Gipuzkoako gorengoen mailara igotzeko borrokan partida garrantzitsua izanen du igandean Beran eta Beti Gazteko gizonezkoek maila mantentzeko lehian segitzeko larunbatean Lesakan. Gizonezkoen bertze futbol taldeek etxetik kanpo jokatuko dute eta Beti Gazteko emakumeek etxean igandean. Sarako Izarrako emakumeek ere Animainean jokatuko dute larunbat arratsaldean.