«Azken urteotan izan den dinamika aztertuta», aurtengo Arantza Rock jaialdia alde batera uztea erabaki du Arantzako Gazte Asanbladak. Ohar bidez jakinarazi duenez, «ez da erabaki erraza izan, baina gazteon artean sumatu dugun borondate faltak bulkatuta, koordinazio taldeak aurtengoan ez du nahikoa indarrik ardura hau hartzeko».

Zelena Renovable enpresak Nafarroako Gobernuko Ingurumen Departamentuan aurkeztu duen hasierako txostenari begira jarri da TTIPI-TTAPA eta 161 orrialdeko dokumentutik hainbat xehetasun bildu ditu. Hasierako txosten honetan proiektuak ingurumenean izanen lituzkeen eraginak aipatu ditu enpresak, baina ez ditu sakon aztertu; hori heldu den faseetan landu beharrekoa izanen litzateke.