Egungo egoera ikusita, «ezinbertzekoa» zen ur beltzen eta euri-uren emariak modu eraginkorrean bereizteko lanak egitea. Sarearen egoera aztertzeko, kalkulu hidraulikoa egin dute, eta kolektoreak eta hartuneak bideo kamera bidez ikuskatu dituzte. Azterketa eginda, hiru jarduketa eginen dituzte.
Alde batetik, egoera txarrean dauden kolektoreak berritu eginen dituzte; bertzetik, egoera onean dauden, baina moldaketaren bat behar duten kolektoreak konponduko dituzte, eta azkenik, kolpe bereizgailuak berrituko dituzte. Gailu horiekin, ostalaritza instalazioetatik ur beltzen sarera doazen koipeak bereiziko dituzte.
Obrak egiteko epea hiru hilabetekoa izanen da, eta lanen kostua 531.441,64 eurokoa.