Etxetik kanpo garaipen garrantzitsuak lortu dituzte Beti Gazte, Baztan eta Doneztebeko mutilen futbol talde nagusiek

Mendialdea

Eskubaloian ere irabazi egin dute Erreka eta BKTko talde nagusiek

Orokorrean, emaitza onak lortu dituzte eskualdeko futbol talde nagusiek asteburu honetan. Baztanek Fontellasen irabazi zuen, maila mantentzeko borrokan hiru puntu garrantzitsu lortuz. Beti Gaztek Azkoitian irabazi zion liderrari eta Doneztebek ere Amigóri irabazi Iruñean. Gainera, Aurrerak ere irabazi zuen Leitzan. Beti Gazteko emakumeek ere garaipen handia lortu zuen Pasaian, hamar gol sartuz. Derbietan, Doneztebeko jubenilak eta Beti Gazteko infantilak gailendu zitzaizkien Baztan eta Gure Txokoari hurrenez hurren. Eskubaloian, garaipenak lortu zituzten Errekak eta BKTk; areto-futbolean, aldiz, galdu egin zuten Aurrerak nahiz Gure Txokoak. Errugbian, etxetik kanpo aritu ziren Sarako Izarra nahiz Menditarrak BRT. Baztandarrek irabazi egin zuten, baina saratarrek galdu.

Cederna Garalur elkarteak tokiko garapen agente bat kontratatu nahi du Bortziriak, Malerreka eta Bertizaranan lan egiteko

Mendialdea

Eskaerak azaroaren 29ko 14:00 baino lehen aurkeztu behar dira

Cederna Garalur elkarteak tokiko garapen bat kontratatu nahi du Bortziriak, Malerreka eta Bertizaranan lan egiteko, lan-utzialdi edo eszedentzia bat dela eta. Lan-utzialdiari dagozkion hilabeteak pasa eta gero aukera egon ahal da Cederna Garalurren lan egiten jarraitzeko.