Marrazki eta pintura, argazkilaritza eta literatura-lehiaketako sariak ere banatuko dituzte

Arkupeak elkarteko 570 bazkide inguru bilduko dira urriaren 24an, ortzegunea Gorraizen ospatuko duten Bazkideen Egunean. Meza entzun ondotik, momentu hunkigarriak biziko dituzte, 100 eta 85 urte bete dituzten bazkideak eta 50 eta 60 urte ezkondurik egin dituzten senar-emazteak omenduko baitituzte.

Denok Bat Giltzariak hiru astez laurehuna euro zozketatuko ditu, 50 euroko sei eta ehun euroko bi txarteletan. Joan den astean egin zuten lehendabiziko zozketa eta gaur jakinarazi dituzte bigarren txandako saridunak. Arantxa Dorregaraik eta Erika Jamilethek 100na euroko erosketa-txartela jaso dute; Miren Juanotenak, Miren Morantek, Rosa Arocenak eta Mertxe Zozayak, berriz, 50na eurokoa.