Irailaren 25ean, ortziralean 18:00etan eginen dute jardunaldien inaugurazioa. 18:30ean argazki erakusketara bisita eginen dute Urdazubiko Kultur Etxean eta 19:00etan “Nómadas del viento” filma eskainiko dute leku berean.
Irailaren 26an, larunbatean 10:30ean, Urdazubiko monastegitik abiatuta txangoa eginen dute hegazti, tximeleta eta burruntziak ikusteko Gainekolako bidean. 17:30ean “Zuhaitz zaharrak, bizitzarako zuhaitzak” solasaldia eskainiko du gaztelaniaz Cesar Javier Palaciosek. Gero, “Urazubiko haritza” argazki-lehiaketa hasiko da. Larunbatean 20:00etan, Joaquin Araujoren “El placer de contemplar” eta Juan Goñiren “Los bosques que llevo dentro” liburuak aurkeztuko dituzte Iruritako Jauregiarten eta olerki eta musika gau-ekitaldia Radio Vitoriako Patricia Furlong eta Joaquin Taboada musikari eta musikagilearen eskutik osatuko da.
Irailaren 27an, igande goizeko 10:30ean Urdazubiko milurteko haritzari “Paisaia dastatuz” bisita gidatua gazteleraz, César Javier Palaciosekin. Jóvenes Pajareros taldeko kideekin hegaztiak ikusteko aukera kzanen da. Ikaburuko lezeetan, huhaitzaren peko olerkiak eskainiko ditu Patricia Furlong-ek eta zuhaitzak maitatzeko musika Joaquin Taboadak. 16:30ean “Urdazubiko haritza” argazki-lehiaketaren sari banaketa eginen dute Urdazubiko Kultur Etxean. Iruritako Jauregiarten, berriz, igandean 18:00etan, “Natura: contemplar, comprender, conservar” hitzaldia emanen du Joaquin Araujok.
Hurrengo asteburuan ere
Urriaren 2, 3 eta 4an jardunaldietan ekitaldi gehiago antolatuko dira.
Urriaren 2an, ortziralean 20:00etan “Egur zertifikatua: gure basoen etorkizunari begira” solasaldia eskainiko du Gonzalo Anguitak gazteleraz Elizondoko Arizkunenean.
Urriaren 3an, larunbat goizeko 10:30ean Belateko itzulia eginen dute euskaraz Belateko Benta Erreatik abiatuta. 18:30ean “Aldaketa klimatikoa txorien begietatik” hitzaldia eskainiko du gazteleraz Jose Miguel Viñasek Iruritako Jauregian. 20:00etan “Hegaztiekiko maitasuna” solasaldia eskainiko du gazteleraz Jose Luis Gallegok Iruritako Jauregian.
Akitzeko, urriaren 4an, igande goizeko 10:30ean Bertizko Jaurerriko Natur Parketik ibilbide gidatua eginen dute, Jose Luis Gallego eta Juan Goñiren eskutik.