Malerreka eskuz binakakoak ezagun ditu zazpi kategorietako finalistak

Otsailaren 23an jokatuko dituzte finalak Doneztebeko Ezkurra pilotalekuan.

Bigarren mailako seniorrek finalaurrekoa jokatu zuten asteazkenean Donezteben eta dagoeneko erabaki dira otsailaren 23ko finaletan izanen diren protagonistak

Zazpi kategorietan banatutako 176 bikote hasi ziren Doneztebeko Erreka elkarteak hamazazpigarren urtez antolatutako Malerrekako eskuz binakako txapelketan, otsailaren 23an, larunbatean 09:00etatik aitzinera Doneztebeko Ezkurra pilotalekuan jokatuko diren finaletarako txartelaren bila. Hainbat kanporaketa jokatu ondotik, dagoeneko finalista guztiak erabaki dira, asteazkenean jokatu baitziren Donezteben falta ziren azken bi finalerdiak, bigarren mailako seniorrenak. 

Lehenbizikoan, Zegamako Matxin eta Elizegik 22-10 irabazi zieten Gaztelekuko Albediri eta Añorgako Olideni. Bigarrenean, Zazpiturriko Adonis eta Arangurenek 22-17 irabazi zieten Zugarraldeko Mugirori eta Uharteko Minari.

 

Zazpi finalak otsailare 23an Donezteben (09:00)

Gauzak honela, dagoeneko erabakiak gelditu dira otsailaren 23an, larunbat goizeko 09:00etatik aitzinera Doneztebeko Ezkurra pilotalekuan jokatuko dituzte zazpi finalen protagonista zein izanen diren.

 

Benjaminak:

Munduate eta Landa (Lapke)- Antimasberes (Barañain) eta Mendizabal (Kurene).

Alebinak:

Lanzeta eta Segurola (Atzapar) - Raul eta Ibai (Haro).

Infantilak:

Sanchez eta Larrainzar (Oberena) - Otaegi eta Otaegi (Txapagain).

Kadeteak:

Loza eta Petite II.a (Barberito I) - Egiguren eta Elosegi (Ilunpe).

Jubenilak:

Alberdi (Ilunpe) eta Etxeberria (Tolosa) - Fernandez I.a (Fuenmayor) eta Etxeberria (Lapke).

Bigarren mailako seniorrak:

Matxin eta Elizegi (Zegama)– Adonis eta Aranguren (Zazpiturri).

Elite mailakoak:

Iker Salaberria (Erreka) eta Uriondo (Lea Ibarra) – Labaka (Tolosa) eta Gorriti (Erreka).

Finalen ondotik, sari banaketa eginen dute pilotalekuan bertan eta bi urdaiazpikoren zozketa ere eginen dute. Pilotari, antolatzaile eta pilotazaleek Santamaria jatetxean bazkalduko dute gero.

 

Erlazionatuak

Malerrekako pilota txapelketa finalaren zain

Malerreka

Fianlerdiak jokatuta, otsailaren 23an Doneztebe eta Sunbillako pilotalekuetan jokatuko diren finaletako protagonistak ezagunak dira jada. Patxi Ord...
Malerrekako eskuz binakako XVII. pilota txapelketan finalista gazteenak erabaki dira

Malerreka

Bigarren mailako seniorren finalaurrekoak asteazkenean jokatuko dituzte  Zazpi kategoriatan banatutako 176 bikote hasi ziren Doneztebeko Erre...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun