Pediatria zerbitzua eskatzeko argazki erraldoia aterako dute larunbatean Leitzan
api 25, 19:00
Leitzaldeko gurasoek mobilizazioekin segitzen dute eta hurrengo hitzordua larunbaterako egina dute. Argazki erraldoia aterako dute 11:00etan Leitzako plazan. Orain arte egindako eskakizunen aurrean «erantzunik ez» dutela jaso eta «ikusezinak» ote diren salatu nahi dute. Horregatik, argazkia ateratzeko garaian maskara txuriak janzteko eskatu diete herritarrei. Leitzako erraldoi eta buruhaundien konpartsako kideek ere parte hartuko dute argazkian: «ea oraingoan erraldoi eta guzti Iruñetik ikusten gaituzten».
Udaberri festa ospatuko dute apirilaren 27an Leitzan
api 25, 18:00 Leitzaldea Leitza
Festa batzordeak egun osoko festa antolatu du apirileko azken larunbaterako. Txistu eta danbolin doinuekin esnatuko dute herria, 09:00etan eginen duten dianarekin. 11:00etan Leitzaldean Pediatra orain eskatzeko argazki erraldoia aterako dute eta ondoren Leitzako erraldoi eta buruhaundien konpartsa aterako da dultzaineroekin. Bazkalaurrea girotzeko, 13:00etan kalejira eginen dute trikitilariekin eta 14:30ean herri bazkaria izanen dute. Iluntzean, segida izanen du festak; Zutik elektrotxarangako kideak kalejiran ibiliko dira 19:00etatik aurrera. Hortik aurrera, bakoitzaren esku egonen da festa noiz arte luzatu erabakitzea.
![[GUTUNA]: Errusia Europa da](https://erran.tok-md.com/argazkiak/KHG/cache/joan_mari_beloki_tokikom_300x300.jpg)
