Arano, Areso, Goizueta eta Leitzako euskalkiei buruzko ikus-entzunezkoa argitaratu du Euskarabidea Euskararen Nafar Institutuak, Leitzaldea euskara bidean izenburupean. Lekukotzen lagin bat da egindako lana eta hainbat gai jorratzen dira: familia, kultura, erlijioa, ohiturak eta ogibideak, eguneroko bizimoduko beste alderdi batzuekin batera. Leitzaldekoarekin batera, Aezkoa, Erronkari, Erro eta Esteribarreko euskal hiztunen lekukotzak biltzen dituen beste ikus-entzunezko bat ere argitaratu dute, Garaioatik Iragira, euskara bidean, hain zuzen. Euskarabidea da proiektua kudeatu duena eta Labrit multimedia enpresa lana egin duena. 700 ale atera dira DVD formatuan eta 10 eurotan paratu dituzte salgai.