Maitasun deklarazio bat

Erabiltzailearen aurpegia   Iritzia

Altsasuko afera hasi zenean, lan egiten dudan Info7 irratiak erabaki zuen Altsasun saio berezi bat egitea. Espainiar hedabideek erraten zutenaren kontra, erakutsi nahi genuen Altsasu aski herri normala zela, eta gezurra zela zabaltzen ari zen gorroto hura. Hurbildu ziren gurera dendariak, kazetariak, udaletxeko kideak, musikariak... eta etorri ziren Adur eta Jokinen aitak ere bai: «guk erraten diegu lasai egoteko, aterako ditugula eta maite ditugula», erran ziguten. 

Sanferminetako txupinazoa

Erabiltzailearen aurpegia   Gizartea

UPNk egindako eskari batek tripak nahastu dizkit. Operación Triunfo saioan izar bihurtu den Amaia nafarra proposatu dute Iruñeko sanferminetako txupinazoa botatzeko. Aitortuko dizuet, hasieran nahi gabe eta gero nahita jarraitu dudala Amaia. Ikaragarri ongi kantatzen du eta gainera, zer demontre, telebistan dagoen itxurakeria kutrearekin, eskertu ditut bere naturaltasuna eta inozentzia. Baina txupinazoa botatzea? Iruñeko aldaketaren Udalak erabaki zuenean txupinazoa herritarrek botatzea populismoa leporatu zion UPNk.  Zer da ba Amaiaren proposamena hiperpopulismoa ez bada? Hamaika gogotzen zaizkit soraurenekoaren aitzinetik uztailaren 6an festa pizteko. Nik aurten SF 78 gogoan plataformako kideak ikusi nahiko nituzke balkoian.  Amaiak nahi badu, abestu diezaiola kantu bat Germani Udaletxeko balkoitik, eta gero zabal dezala bere instagrametik jabetu daitezen bere 467 mila jarraitzeak zer gertatu zen Iruñeko sanferminetan duela 40 urte.