Sare sozialak, aukerak eta arriskuak

Erabiltzailearen aurpegia   Iritzia

XXI. mendea bete-betean bizitzen ari garenok, gustatu ala ez, teknologia berriekin topo egiten dugula egunero eta esparru guztietan ezin dugu ukatu. Oraindik sakonago begiratuz, gure gaztetxoen sozializazioan, unibertso digitalaren parte sentitzea ezinbertzekoa da, eta sare sozialak erabiltzen ez dituzten edo gutti erabiltzen dituzten gazteek baztertuak izateko arriskuan sentitzen dute beren burua. Gainera, harremantzeko modu honetan parte hartzen ez duen nerabea 'frikia' edo 'berezia' bezala ikusten da gaur egun.

Usteak nerabezaroan

Erabiltzailearen aurpegia   Iritzia

Nerabezaroaren ezaugarri nabarmenetako bat lagun taldeak hartzen duen garrantzia da. Bere identitatea eraikitzeko ahaleginetan, orain arte umea izan den gaztetxoak, gurasoengandik bereizteko beharra sentitzen du eta talde bateko partaide izaten saiatuko da nola edo hala. Egoera honetan, taldekideek bezala jantzi nahi du, beraiek bezala pentsatu nahi du eta, ahalegin horretan, bere portaera taldearenera egokituko du. Ez da batere erraza! Zein da emanen dudan irudia? Nolako jokaera izanen dut? Onartuko naute naizen bezalakoa adierazten banaiz?