Martin Niemöller eguneratua

Erabiltzailearen aurpegia   Iritzia

Lehenik komunisten bila joan ziren eta isilik gelditu nintzen, ni ez nintzelako komunista; ondotik, juduak eraman zituzten eta ez nuen ahorik ireki, ni ez bainintzen hala; homeopatia erabiltzaileen kontra jo zuten gero eta ez nuen protestatu; diesel ibilgailuen jabeen kontra egin zuten, azkenean, eta ihes egiteko beranduegi zen (gasolina bukatua zegoelako).

Ahobero eta Belarrimotz osasuntsu

Erabiltzailearen aurpegia   Iritzia

Euskaraldiarako eskualdeko Ahobiziak eta Belarriprestak aurkezten ari diren aldi berean, iragarri du Osasuna futbol klubak AEKrekin hitzarmena sinatu duela, taldeko langile eta jokalariek, nahi dutenek, euskara ikas dezaten erraztasunak emateko. Abudo hasi dira arrantzaka PPkoak, hori inposizioa dela, politizazioa, bazkideen arteko fraktura... Salud!

Ttikiak bai, eskasak ez

Erabiltzailearen aurpegia   Iritzia

Normalean kapitaletik herrietara etortzen zaizkigu antzezle eta faranduleroak, antzerki, dantza-emanaldi, zirku eta kantaldiak eskaintzera. Negu honetan, aldiz, Elizondotik eta Lesakatik hiriburuko Gaiarre antzokira joanen dira gure herrietako aktore eta musikariak Jolasean eta Pepito Yanci, beti bizi taula gainean jokatzera. Ttikitik handira.

Bizitzako ala bizitzeko aukerak

Erabiltzailearen aurpegia   Iritzia

Zure etxean ala nirean; elizaz ala zibilez; mendira ala hondartzara: bizitzako aukerak. 1936ko abuztuaren 3an 'Gipuzkoara, Frantziara ala fusilatzera' aukeratu behar izan zuten Berako plazan bildutako ehun familiek. Bizitzeko hautua egin zuten, noski, eta horietatik lau bakarrik bueltatu ziren sorterrira. 82 urte beranduago gogoratu dituzte.

Errusiar entsalada

Erabiltzailearen aurpegia   Iritzia

Euskal selekzioaren faltan, aritu direnak etxekotzeko ohitura ez dugu galdu aurtengo Munduko futbol txapelketan. Txapeldun suertatu den Frantzian aritu da Antton Griezman, Donostiako Errealean hazitakoa, emaztea Berakoa, aitaginarreba lesakarra… Halere, Kroazia ttikiari gure antza hartuta, zuri-gorri koadrazoek irabaztea nahi. Ea hurrengoan!

Plastikoan itoak

Erabiltzailearen aurpegia   Iritzia

Uztailaren 1etik aitzinera, dendetako plastikozko poltsak 5 zentimo ordaindu behar direla eta kexu agertu dira batzuk. Hain zaila al da etxetik kapazoa edo arraindendako tuperra eramanda erosketak egitea? Bere garaian plastikoak saskigileen ofizioa hondoratu zuen bezala, posible izanen ote dugu, zentzuz jokatuta, plastikogileak menperatzea?

Esaera zaharrak, uda berria

Erabiltzailearen aurpegia   Iritzia

Maiatzaren 40a ongi bete ondotik hasiak gara sayoak, jertseak, zirak, aterkiak eta neguko galtzerdiak kendu eta armairu txokoan herdoildutako galtza-motz, pirata eta sandaliak aireratzen eta kadukatutako eguzki-krema ematen. Uda hasi berri zaigu, espantorik gabe. Ez gaitezen orain hasi eguzkiaren onena itzala dela erraten. Oraindik ez, mesedez.

Umeen kontuak

Erabiltzailearen aurpegia   Iritzia

-Nahi baduzu nirekin jostatu nire baloiarekin egin beharko duzu, dio Pepitok.

-Pitxatuta dago, baina bale!, erantzun dio Aitorrek.

-Pepito, gehiago gara eta zuk ez duzu patioan agintzen orain, guk jostatu nahi dugu, baina zure baloia erabiliz, erran du Pedrok.

Aitorrek Pedrorekin segitu nahi du jostetan, eta Pepitok erran dio ez dela bere laguna izanen.

Hamaika ikusteko jaioak gara

Erabiltzailearen aurpegia   Iritzia

Beltran anderea aztoratuta oihuka ari da Goizuetako plaza hutsean: 'Nafarroako Gobernuak euskara inposatu nahi digu!'. Isiltasunak oihartzun egin dio. 'Euskaldunek inbadituko gaituzte!', handiagoa bota du. Exteban xaharra tirriki-tarraka ondotik pasa zaio, Hernanirako autobusa hartzera: 'Hemos nazido para ver ontze' dio ahapeka.

Autodefentsa ala ez erasotzea

Erabiltzailearen aurpegia   Iritzia

Defentsarik onena atakea dela diote kirol adituek. Eskualdean han eta hemen sortu dituzten emakumeek autodefentsa ikastaroak, autobabes tailerrak... Ikusitakoak ikusita nahitaezkoa dirudi horrelakoetan ere saiatzea, baina ez al litzateke egokiagoa, zuzenagoa eta seguruagoa izanen gizonezkoak eraso-arma bezala ez hezitzea?