Igantziko liburutegia-lan txokoa berriz ere martxan jarri dute Igantzin

  Gizartea  Bortziriak  Igantzi

Igantziko liburutegia-lan txokoa berriz ere martxan jarri dute Igantzin

Urrian asteazken arratsaldetan, eta azarotik aitzinera asteartetan Barazarrean, Osasun zentroaren gainean

Joan den ikasturtean bezalaxe, aurten ere, Igantziko Liburutegi Taldean bildutako herritar talde batek Igantziko Liburutegi-Lan Txokoa martxan jarriko du, Barazarrea Etxean, Osasun zentroaren gainean.

Aizkolegiko Jauregira bisita gidatuak eskainiko dituzte urriko asteburutan

  Gizartea  Bertizarana

Aizkolegiko Jauregira bisita gidatuak eskainiko dituzte urriko asteburutan

Mikrobusean eginen dituzte bi orduko ateraldiak 10:00etan, 12:30ean eta 16:00etan 

Urriko asteburutan (urriak 7-8, 14-15, 21-22 eta 28-29) Aizkolegiko Jauregira bisita gidatuak eginen dira mikrobusean. Bisita hauen helburua Pedro Ciga eta Dorotea Fernandezek Nafarroako Gobernuari utzitako ondarea ezagutzera ematea da. 

Baztan-Bidasoaldeko Lanbide Heziketa Zentro berria Oronozen egitea aurreikusten du Nafarroako Gobernuak

  Gizartea  Bertizarana

Baztan-Bidasoaldeko Lanbide Heziketa Zentro berria Oronozen egitea aurreikusten du Nafarroako Gobernuak

Nafarroako Lanbide Heziketa Planari (2017-2020) buruzko saioa egin dute urriaren 4an Bertizen

Joan den uztailaren 3an Nafarroako Lanbide Heziketa Planaren (2017-2020) hasierako proposamena aurkeztu zuen Nafarroako Gobernuak. Plan hori orain partaidetza publikoaren fasean dago, herritar guztiek ekarpenak egin ditzaten; xedea da planaren diseinua ahalik eta gehien aberastea. Informazioa kontrastatu, ekarpenak egin nahiz eskaerako jasotzeko urriaren 4an, lan-saioa egin zuen Nafarroako Gobernuak Nafarroako Gobernuak. Horretaz gain, Baztan-Bidasoaldeko Heziketa Zentro berriaren balizko kokapenaren inguruan zerbait aurreratu zuten Gobernuko ordezkariek.

Giro ederrean joan dira aurten ere Urrozko San Migel bestak

  Gizartea  Malerreka  Urroz

Herriko dantzariek udan ikasitakoa plazaratu zuten egun handian


Ortzegun arratseko zopekin hasi zituzten aurtengo Urrozko San Miguel bestak. Batzuk etxean eta bertzeak ostatuan afaldu ondoren jai giroa nagusitu zen plazan goizeko ordu txikiak arte. 

»» Ikusi argazki guztiak (4)

Kataluniako grebari babesa eman diote Baztanen

  Gizartea  Baztan

Kataluniako grebari babesa eman diote Baztanen

Lekarozko ikastetxean elkarretaratzea eta Elizondoko karriketan burrunga egin dute urriaren 3an

Kataluniako herriarekin elkartasunez mobilizazio desberdinak egin ziren urriaren 3an, Katalunian vaga general edo herri greba egiten zuten bitartean. Astearte eguerdian Lekarozko ikastetxeko ikasle eta irakasleek elkarretaratzea egin zuten eta arratseko 8:30ean herritarrak eltze eta zartagiekin burrunba eginez karrikaz karrika ibili ziren Elizondon.

Dolores Redondo idazleari omenaldia eskaini dio Baztango Udalak

  Gizartea  Baztan

Dolores Redondo idazleari omenaldia eskaini dio Baztango Udalak

Baztango trilogia idatzi duen idazle donostiarrak aipatu duenez, Amaia Salazar inspektorearen historiekin segituko du

Dolores Redondo idazle donostiarrari omenaldia eskaini zioten irailaren 29an Baztango Balleko Etxean, dagoeneko 36 hizkuntzatara itzuli diren Baztango Trilogiako eleberrietan bailara sustatzeko egin duen lana eskertuz. 

Big Gourmand Michelin saria Donamariako Bentarentzat

  Gizartea  Malerreka  Donamaria

Big Gourmand Michelin saria Donamariako Bentarentzat

Bilboko Azkuna Zentroan izan zen sari banaketa eta Euskal Autonomia Erkidegoko, Nafarroako zein Kantabriako hainbat jatetxe saritu zituzten

Donamariako Bentak Big Gourmand Michelin saria jaso zuen irailaren 29an Bilboko Azkuna Zentroan, Michelin eta Mahou/San Migelen eskutik. Kalitatea eta prezioa ardatz dituen saria jasotzeko baldintza 35 eurotik beheitiko eskaintza bat izatea da. 

44 langabetu guttiago daude eskualdean irail hondarrean

  Gizartea  Mendialdea

Langabezian dauden 763 lagunek emana zuten izena Doneztebeko Enplegu Bulegoan 

763 lagunek emana zuten izena Doneztebeko Enplegu Bulegoan irail hondarrean, abuztuan baino 44 guttiago. Nafarroa osoan %1,82 jautsi da langabezia, eta eskualdean banaz bertzeko hori baino gehiago, %5,45.

‘Gure buruak zaintzen’ tailerra antolatu dute bigarrenez Leitzan

  Gizartea  Leitzaldea  Leitza

‘Gure buruak zaintzen’ tailerra antolatu dute bigarrenez Leitzan

60 urtetik gorako emakumeei zuzendua dago eta urriaren 6ra bitarte eman daiteke izena

Pasa den urteko arrakasta ikusita bigarrenez antolatu du Leitzaldeko Berdintasun Batzordeak Gure buruak zaintzen tailerra. 60 urtetik gorako emakumeei dago zuzendua, dohainik izanen da eta Maite Blanco psikologo eta Gestalt terapeuta izanen da emailea. 

Kataluniako emaitzak onartuz eta errepresioa salatuz mozioa onartu du Baztango Batzar Nagusiak

  Gizartea  Baztan

Aldeko 20 bozka jaso zituen, Geroa Bairen bi abstentzio eta UPNko hiru hautetsiek bozka emateari uko egin zioten

Igandean Katalunian egin zen autodeterminazio erreferendumak Baztango Batzar Nagusiaren babesa eta onarpena jaso zuen urriaren 2an egin zuen ohiko bilkuran. Igandeko galdeketari eta prozesu osoari zilegitasuna aitortzeaz gain, emaitzak errekonozituz. 

 

Giro ederrean ospatu dituzte bestak Anizen asteburuan

  Gizartea  Baztan  Aniz


Bertze urte batez, besta ederrak izan dituzte Anizen. Aurten, berrikuntza gisa ortziralean hasi zituzten bestak eta igandean akitu. Aldaketa aski ongi baloratu dute aniztarrek, inoiz baino jende gehiago etorri baita baztan zopetarat eta zikiro jaterat. Igandean gainera, kataluniarrekin bat egiteko burrunba atera zuten eta zenbait aniztar castellersa egitera ere ausartu ziren. Astelehenean auzolana izan zuten goiz eta arratsaldez herria eta frontoia garbitzeko.


»» Ikusi argazki guztiak (4)

Baztango udal hautetsiak Kataluniako erreferenduma babesteko Udalbiltzaren ordezkaritzan egon dira

  Gizartea  Baztan

Baztango udal hautetsiak Kataluniako erreferenduma babesteko Udalbiltzaren ordezkaritzan egon dira

Joan den ortzegunean mozioa onartu zen Balleko Etxean eta larunbatean elkarretaratzea ere egin zuten 

Urriaren 1eko Kataluniako erreferenduma ikuskatzeko Udalbiltzak antolatu duen nazioarteko bisitarien ordezkaritzan Joseba Otondo Baztango alkateak eta Mikel Ortega eta Maite Iturre Baztango zinegotziek parte hartu dute. 

 

Goizukoop kooperatibako erregaia hartzeko aukera zabaldu dute Goizuetako gasolindegi berrian

  Gizartea  Leitzaldea  Goizueta

Goizukoop kooperatibako erregaia hartzeko aukera zabaldu dute Goizuetako gasolindegi berrian

182 bazkide ditu Goizuetako kooperatibak eta aurrerago eginen dute inaugurazio ofiziala

Goizukoop kooperatibako 182 bazkideak eta bazkide ez direnak gasoila hartzen hasiak dira herriko gasolindegi berritik irailaren 30etik aurrera. Iñigo Elizegi, kooperatibako presidenteak aipatu digunez, «larunbatean eta igandean ordu jakin batzuetan gasolindegian egon ginen kooperatibako zuzendaritzakoak, bazkide bakoitzari bere txartela eman eta gasolindegiak nola funtzionatzen duen erakusteko.  Bazkide txartela, bazkideak erregaia prezio batean erosi ahal izateko da, baina bazkide ez denak ere bankuko txartel arrunt batekin hartu dezake erregaia». Nahiz eta gasolindegia irekia egon, aurreraxeago eginen omen dute inaugurazio ekitalditxoren bat.

Zirku tailerrak martxan jarri nahi dituzte Donezteben

  Gizartea  Malerreka  Doneztebe

Zirku tailerrak martxan jarri nahi dituzte Donezteben

Asteartetan 16:30etik 18:30era izanen dira 

2017-18 ikasturtean Donezteben ohikoak diren ikastaro eskaintzez gain, aipatu behar da zirku tailerrak ere antolatu direla. Tailerrak 4 urtetik gorakoei zuzenduta daude. Malabareak, akrobaziak, oreka, akroporteak… landuko dituzte. Tailerra hiru hilabetez eskainiko da, urritik abendura bitarte (50 euroko kostua du).  

Kontziliaziorako IV. Herri-Ituna lantzen hasiko da Bortzirietako Gizarte Zerbitzuen Mankomunitatea

  Gizartea  Bortziriak

Kontziliaziorako IV. Herri-Ituna lantzen hasiko da Bortzirietako Gizarte Zerbitzuen Mankomunitatea

Urriaren 2an, astelehenean informazio-jardunaldiak eginen dituzte goizez Berako Beralandetan eta arratsaldez Lesakako Udaletxean

Aurten Kontziliaziorako IV. Herri Ituna indarberritzeko asmoa du Bortzirietako Gizarte Zerbitzuen Mankomunitateak, Nafarroako Gobernuaren eta Nafarroako Berdintasuneko Institutuak lagunduta, Equala aholkularitza Sozialaren dinamizazioarekin eta horretarako informazio-jardunaldi batzuk antolatu dituzte. Datorren astelehenean, urriaren 2an Kontziliaziorako IV. Herri-ituna deituriko bi informazio-jardunaldi eginen dira Beran (Beralandetan, 11:00-12:30ak bitarte) eta Lesakan (udaletxean, 16:30-18:00etara).