Hamabi bikotek parte hartu dute Iturengo mus txapelketan

Hamabi bikotek parte hartu dute Iturengo mus txapelketan

  Gizartea  Malerreka  Ituren

Azaroaren 30ean, ortziralean, mus txapelketa jokatu zuten Iturengo Herriko Ostatuan. Guztira 12 bikotek hartu zuten parte. Josetxo eta Iñigo Iparragirre izan ziren garaile. Bi txuleta eta botila bat ardo irabazi zituzten.

Naroa Elizaldek ez du finalerdietan aurrera egitea lortu

  Gizartea  Malerreka  Zubieta

Naroa Elizaldek ez du finalerdietan aurrera egitea lortu

Finalean promozio mailan Aldai eta Orbegozo lehiatuko dira; lehen mailan, berriz, Arrizabalaga eta Espinar. 

Amezketako pilotalekuan jende dezente bildu zen igandean, abenduaren 2an. Emakume Master Cup txapelketako finalerdiek erakarri zituzten ikusleak. Jokalarien artean izan zen Naroa Elizalde zubietarra. Oihana Orbegozoren aurka aritu zen, baina ezin izan zion aurre egin. 13-18 gailendu zitzaion. 

Haur-eramaile tailerra egin dute Leitzan

  Gizartea  Leitzaldea  Leitza

Anikoteren eskutik, haur-eramaile tailerra egin zuten azaroaren 30ean Leitzan. Parte-hartzaile dezente bertaratu zen eta entzuleek interesa adierazi zuten. Urtarrilean ikastaro gehiago eskainiko dituzte: hipopresiboak, autodefentsa, 3. adinekoentzako gimnasia, gorputz oreka... Izen-emateak abenduaren 11tik 13ra egin ahal izanen dira.

»» Ikusi argazki guztiak (3)

Lau hamarkadetan aitzinera begira

  Gizartea  Bortziriak  Bera

Lau hamarkadetan aitzinera begira

Urritasuna duten 24 erabiltzaile biltzen dira gaur egun Berako Uxane okupazio zentroan, ia denak Malerreka eta Bortzirietakoak. Kanpotik heldu zaien lana egiteaz gain, euren ongizatea lantzeko jarduerak egiten dituzte

Sarraskijaleek hildako ardia nola jaten duten bideoan bildu du Jose Ramon Amoros aranztarrak

  Gizartea  Bortziriak  Arantza

Duela hilabete batzuk, Arantzako faunari eta azerikumeak ageri ziren bideoak argitaratu zituen aranztarrak eta orain sarraskijaleen ingurukoa egin du. 24 orduz hildako ardia nola jaten duten bildu du bideoan. Beleak, putreak, miru gorria, azeria, zapelatza... Denetarik ageri dira.

Lehen sorospenak ikasi dituzte Ezkurrako jubilotekan

Lehen sorospenak ikasi dituzte Ezkurrako jubilotekan

  Gizartea  Malerreka  Ezkurra

Ostegunean, azaroaren 29an, Kristina Urrutia eta Helenak lehen sorospenak egiteko erabilgarri izan daitezkeen ariketa praktikoak erakutsi zizkieten jubilotekako kideei. Era berean, bakarrik bizi direnentzat hainbat aholku eman zituzten, larrialdietarako eskuturrekoak, lepokoak etab. erakutsiz. Kideek lerro hauen bidez eskerrak eman nahi dizkiete beraien borondateagatik.

21. Korrikaren kanta aurkeztu dute

  Gizartea  Mendialdea

Jose Luis Alvarez Enparantza Txillardegi omenduko dute

21. Korrikaren ibilbidea prest da dagoeneko. Garesetik Gasteizera Euskal Herriko hainbat txokotan barna ibiliko da lekukoa. Apirilaren 4an hasi eta 14ra bitarte klika lelopean bilduko dira, euskararen alde, milaka eta milaka lagun. 

“Bertan bertakoa, Goizueta(n)” oihalezko poltsak banatuko ditu Udalak tokiko kontsumoa bultzatzeko

“Bertan bertakoa, Goizueta(n)” oihalezko poltsak banatuko ditu Udalak tokiko kontsumoa bultzatzeko

  Gizartea  Leitzaldea  Goizueta

Ekimenaren asmoa goizuetarrak herrian bertan kontsumitzeaz kontzientziatzea eta eguneroko ohituretan tokiko garapenerako funtsezkoa den kontsumo lokala sustatzea da

‘Berta(n) bertakoa, Goizueta(n)’ oihalezko 350 poltsa banatuko ditu Goizuetako udalak, herriko etxe bakoitzeko bana, herritarrek erosketak egiterakoan erabili dezaten. Ekimena bertako komertzioekin elkarlanean garatu da Goizuetan komertzio sarea indartzeko asmoz, hauen etorkizuna mantendu eta bultzatzea kontsumitzaileen esku ere badagoela gogorarazi nahi izan dute. Ekimenaren asmoa goizuetarrak herrian bertan kontsumitzeaz kontzientziatzea eta eguneroko ohituretan tokiko garapenerako funtsezkoa den kontsumo lokala sustatzea da.

«Hagitz kontent gabiltza Uxanen»

  Gizartea  Bortziriak  Bera

«Hagitz kontent gabiltza Uxanen»

Uxaneko erabiltzaile beteranoak dira Mari Nieves Elgorriaga (Bera, 50 urte), Susana Fragoso (Lesaka, 48 urte) eta Bisi Gorostidi (Bera, 64 urte). «Aspalditik» dabiltza Uxanen, eta han eta hemen parte hartuz, «hagitz kontent» joaten direla kontatu digute. Halaxe islatzen du euren aurpegiak ere. Denetariko jarduerak egiten dituzte eta ez dute aspertzeko astirik izaten. Elgorriagak «libretak eta gimnasia egitea eta paseoak ematea» ditu gustukoen. Fragosok, berriz, artisautza maite du: «giltzariak edo betaurrekoentzako sokak bolatxoekin egitea eta koadernatzea». Era berean, «igerilekura joatea eta gimnasia egitea» ere atsegin ditu. Gorostidik maite dituen ekintzak ere aunitz dira: «giltzariak egitea gustatzen zait baita koadernatzen aritzea ere». Horiez gain, «gimnasia egitea, igerilekura joatea eta antzerkia lantzea» ere gustuko du.


Elgorriaga eta Fragoso, asteguneko goizak eta arratsaldeko lehenbiziko orduak Uxanen pasatu ondotik, gurasoen etxera erretiratzen dira. «Uxanetik atera eta trikitixa jotzen dut, eta amarekin eta attarekin paseatzera joaten naiz. Gero, afaldu eta ohatzera». Asteburuak, berriz, «amari etxeko lanetan laguntzeko» aprobetxatzen ditu Elgorriagak.


Fragoso «Uxanetik ateratzean, normalean amarekin ateratzen» da, «baina neguan ilundua izaten denez, ez». Asteburuetan, «goizez eta arratsaldez amarekin» ateratzen dela dio. Gurasoei etxeko lanetan ere laguntzen die: «erosketak egiten, etxea garbitzen, ohatzeak egiten...». Eta herritik kanpora ateratzea ere maite du: «nire hiru ahizpak kanpoan bizi dira eta etortzen direnean, toki aunitzetara eramaten naute. Aunitz gustatzen zait kanpora ateratzea».


Gorostidi, ordea, Maddi egotetxean bizi da, urritasunak dituzten pertsonak elkarrekin bizi diren Aspaceren baitako etxebizitzan, hain zuzen. Eta «kontent» da Maddin.  «Uxanetik atera ondotik, meriendatu» egiten duela dio. Baina ez hori bakarrik. «Pianoa jotzen dut». Horrez gain, «dutxatu, telebista ikusi eta afaldu egiten dugu». Urteotan guztiotan oporretan ibiliz «toki aunitz» ezagutzeko aukera ere izan du.  

Onda Cero irratiaren elkartasun sarietako bat eskuratu du Elkarrizan elkarteak

Onda Cero irratiaren elkartasun sarietako bat eskuratu du Elkarrizan elkarteak

  Gizartea  Bortziriak

Jose Mari Irazoki eta Maribel Abrilek jaso zuten azaroaren 28an kohesioari eta inklusioari dagokion aipamen berezia 

Onda Cero irratiak laugarren urtez eman dituen elkartasun sarietako bat Bortzirietako Elkarrizan laguntza emaile taldeak eskuratu du. Zehazki, gizarte-kohesioari eta inklusioari dagokion aipamen berezia jaso zuen azaroaren 28an Iruñean. Ainhoa Aznarez, Nafarroako Parlamentuko presidentearen eskutik jaso zuten saria Jose Mari Irazokik eta Maribel Abrilek, Elkarrizan taldeko ordezkariek. 2004tik honat egindako lana azpimarratu du epaimahaiak.

Sarako ikastolak eta Sara eta Azkaingo turismo-bulegoek Euskaraldia babestu dute

  Gizartea  Xareta  Sara

Sarako ikastolak eta Sara eta Azakaingo turismo-bulegoek Euskaraldia babestu dute. Azken horiek, erraterako, Euskaraldiaren Karietara mendi-ibilaldia egin dute eta dantzari batek agurra dantzatu du. 

»» Ikusi argazki guztiak (2)

Baztan-Bidasoa Turismo Elkargoak Euskaraldiarekin bat egin du

Baztan-Bidasoa Turismo Elkargoak Euskaraldiarekin bat egin du

  Gizartea  Baztan

Baztan-Bidasoa Turismo Elkargoko kideek Euskaraldiarekin bat egin dute. Eskualdearen «aberastasuna», bertzeak bertze, hizkuntzari zor zaiola nabarmendu dute: «altxor ugari ditugu: paisaia, kultura, historia eta hizkuntza, euskara» adierazi dute. 

Babes Zibileko Batzordeak uholdeei aurre egiteko Sunbillako udal jarduketa planaren homologazioa onartu du

  Gizartea  Malerreka  Sunbilla

Babes Zibileko Batzordeak uholdeei aurre egiteko Sunbillako udal jarduketa planaren homologazioa onartu du

Aldeko irizpena eman du 112 SOS Nafarroa Larrialdiak Kudeatzeko Zentroa arautuko duen Foru Dekretuaren zirriborroari buruz

Nafarroako Babes Zibileko Batzordeak, Nafarroako Gobernuko Lehendakaritza, Funtzio Publiko, Barne eta Justiziako kontseilari María José Beaumont buru zuela, Sunbilla eta San Adriango udalek uholde-arriskuari aurre egiteko abian dituzten jarduketa-planen homologazioa onartu zuen azaroaren 27an egindako bileran. Modu berean, Batzordeak aldeko irizpena eman du 112 SOS Nafarroa Larrialdiak Kudeatzeko Zentroa arautuko duen Foru Dekretuaren zirriborroari buruz.

'Amaia da hasiera' erakusketa ikusgai Elizondon

  Gizartea  Baztan  Elizondo

'Amaia da hasiera' erakusketa ikusgai Elizondon

Abenduaren 1etik 15era ikusi ahal izanen da Arizunenea Kultur Etxean

Esther Fernandez Casasen eskutik, Amaia da hasiera erakusketa ikusteko aukera izanen da Elizondoko Arizkunenean. Larunbatean, abemduaren 1ean, irekiko dira erakusketako ateak eta bi astez, hilaren 15era arte, egonen dira zabalik. Astelehenetik larunbatera 18:00etatik 20:00etara bisitatu ahal izanen da. 

Mendialdea Mankomunitateak "Erein ohitura, egin konposta" kanpaina aurkeztu du

  Gizartea  Mendialdea

Mendialdea Mankomunitateak "Erein ohitura, egin konposta" kanpaina aurkeztu du

Materia organikoaren erdia bereizita kudeatzeko helburua bete nahi du

Hondakin Mankomunitateak herritarrak materia organikoa konpostatzera animatzeko kanpaina martxan jarri du, Nafarroako Hondakin Legeak materia organikoaren %50a bereizita kudeatzeko helburua betetzera  iristeko. Gaur egun Mendialdea Mankomunitateak organikoaren %14a jasotzen du era horretan.