Martina Etxenikek bota du Illekuetako bestetako txupinazoa

  Gizartea  Bortziriak  Bera

Giro ederra izan dute Berako Illekueta auzoko bestetan. Larunbat eguerdiko txupinazoa Martina Etxenike Barberena, auzoko adintuenak bota zuen. 90 urte beteak ditu, baina umore ederrarekin segitzen du. Dantzariek aurreskua dantzatu zioten. Lehen suziriaren ondotik, hainbat ekitaldi izan zituzten asteburu osoan.

»» Ikusi argazki guztiak (16)

Sunbillako tunelean txandaka bidea emanen dute datozen hiru hilabetetan

  Gizartea  Malerreka  Sunbilla

Sunbillako tunelean txandaka bidea emanen dute datozen hiru hilabetetan

Tunela Europako araudira egokitzeko lanak eginen dituzte iraialren 18tik aitzinera 

Irailaren 18tik, astelehenetik hasita eta hiru hilabetez, trafikoan eragina izanen duten lanak eginen dituzte Sunbillako tunelean. Europako araudira egokitzeko lanak eginen dituzte denbora honetan eta semaforoen bitartez, txandaka bidea emanen dute Irun alderako bidetik.

Hainbat tailer eta ikastaro antolatu ditu Elizondoko Osasun Zentroak

  Gizartea  Baztan  Elizondo

Hainbat tailer eta ikastaro antolatu ditu Elizondoko Osasun Zentroak

Menopausiari buruz, osasuntsu zahartzeko, estresa gainditzeko edo bizkarra zaintzeko, bertzeak bertze

Elizondoko Osasun Zentroak hainbat ikastaro eta tailer antolatu ditu udazkenari begira. Osasuntsu zahartzea, menopausia, estresa eta antsietatea gainditzea edo bizkarra zaintzen ikasteaz gain, zaintzaileendako tailerra ere eginen dute.

Etxalarko udalak 31.915 euro jasoko ditu Usategietako enkantean ez baita hobekuntzarik eskaini

  Gizartea  Bortziriak  Etxalar

Etxalarko udalak 31.915 euro jasoko ditu Usategietako enkantean ez baita hobekuntzarik eskaini

Irailaren 12an egindako bigarren enkantean ez zen hobekuntzarik izan eta lau postu eman gabe segitzen dute 

Etxalarko Iarmendi inguruko 21 uso ehiza postuen enkantea egin zen irailaren 3an Herriko Etxean. 31.915 eurotan eman ziren, hasierako prezioaren (34.250 euro) azpitik. Izan ere, postu bat izan ezik, denak hasierako prezioan eman ziren eta lau hutsean gelditu ziren. Irailaren 12ko bigarren enkantean ez da hobetzerik eskaini.

Metroko plano batean Goizuetako baserrien mapa ikusi daiteke

  Gizartea  Leitzaldea  Goizueta

Metroko plano batean Goizuetako baserrien mapa ikusi daiteke

Iñaki Etxeberria  Aranaz goizuetarrak egin du eta Goizuetako Udaletxeak mapa eskatu dio erabilgarria izan baitaiteke metroko planoa osatu eta gero

Iñaki Etxeberria Aranaz goi­zuetarrak Goizuetako ba­se­­rrien mapa egin du era oso berezi batean. Hiri handi ba­teko metroaren planoa ar­datz hartuta herriko ba­se­rri­en izena eta kokapena zehaz­tu ditu. Hala ere idea ez da berea izan. «Orain bi urte Lei­tzan antzeko planoa egin zu­ten eta bigarrren bat ere egin zuten Areson. Eta guk zergatik ez egin Goizuetan? galdetu nuen eta horrelaxe hasi nintzen».

Leitzako Udalak Herri Aretoaren aldeko 1.445 sinadura entregatu dizkio Nafarroako Gobernuari

  Gizartea  Leitzaldea  Leitza

Leitzako Udalak Herri Aretoaren aldeko 1.445 sinadura entregatu dizkio Nafarroako Gobernuari

Aste honetan Leitzako Udalak eta Nafarroako Gobernuko Kultura Sailak bilera egin dute zine zaharraz eta Herri Areto berri baten proiektuaz hitz egiteko. Gainera, abiatutako Herri Aretoaren alde lortutako 1.445 sinadurak entregatu zaizkio Kultura Zuzendariari. 

Uda aurretik Leitzako Udalak zine zaharra Herri Areto bihurtzeko egin beharreko moldaketa lanen memoria (aurreproiektua) aurkeztu zuen Nafarroako Gobernuko Kultura Zuzendaritzan.

Jubiloteka zerbitzua eskainiko da udazken honetan Malerrekan

  Gizartea  Malerreka

Jubiloteka zerbitzua eskainiko da udazken honetan Malerrekan

Irailaren 18tik abenduaren 21era, astelehenero Donezteben, asteartero Zubietan, asteazkenero Donamarian eta ortzegunero Sunbillan

Malerrekako Mankomunitateak, La Caixako Obra Social proiektuaren laguntzarekin, Jubiloteka jarriko du martxan eskualdean irailaren 18tik hasi eta abenduaren 21era bitarte.

Goizuetako udal ikastaroetan izen emateko epea irailaren 22an bukatuko da

  Gizartea  Leitzaldea  Goizueta

Goizuetako udal ikastaroetan izen emateko epea irailaren 22an bukatuko da

Eskulanak, Jumpfit, pilater eta total training/crosfit eskainiko dituzte aurten

Ekainean webgune bidez egindako inkestaren emaitzetan jasotakoari erantzunez, herritarren eskaerak kontuan hartu eta beraien nahiak ziren ikastaroen aurrekontuak eskatu ditu Goizuetako Udalak. Eskulanez gain, ikasturte honetan, jumpfit, pilates eta crosfit ere eskainiko dira urritik maiatzera. Izen emateko epea irailaren 22an, ostiralean bukatuko da.

Haur elebidunen eta eleaniztunen hizkuntzaren garapen atipikoaren lan ildoak aztertzeko ikastaroa antolatu dute Beran

  Gizartea  Bortziriak  Bera

Haur elebidunen eta eleaniztunen hizkuntzaren garapen atipikoaren lan ildoak aztertzeko ikastaroa antolatu dute Beran

Nafarroako Unibertsitate Publikoaren Udako Ikastaroen baitan, irailaren 29an eta 30ean

Aurten Nafarroako Unibertsitate Publikoak, Udako Ikastaroen barne, Haur elebidunen (euskara/gaztelania/frantsesa) eta eleaniztunen hizkuntzaren garapen atipikoaren inguruko lan ildoak izeneko ikastaroa eskainiko du. Ikastaroa hirugarrenez antolatu da. Aitzineko bi urteetan Lesakan izan da, baina aurten Berako Kultur Etxean izanen da, datorren irailaren 29an eta 30ean. Izen ematea zabalik dago irailaren 27ra bitarte.

7 langabetu gehiago daude eskualdean abuztu hondarrean

  Gizartea  Mendialdea

Langabezian dauden 807 lagunek emana zuten izena Doneztebeko Enplegu Bulegoan 

807 lagunek emana zuten izena Doneztebeko Enplegu Bulegoan abuztu hondarrean, uztailean baino 7 gehiagok. Nafarroa osoan %0,50 jautsi da langabezia, baina eskualdean %0,88 igo da.

Haur eta Lehen Hezkuntzako ikastetxe berri bat eraikiko dute Iturenen

  Gizartea  Malerreka  Ituren

Haur eta Lehen Hezkuntzako ikastetxe berri bat eraikiko dute Iturenen

Sei unitateetarako lekua izanen du eta inbertsioa 1,4 milioi eurokoa izanen da 

Nafarroako Gobernuko Hezkuntza Departamentuak Haur eta Lehen Hezkuntzako ikastetxe publiko berri bat eraikiko du Iturenen, sei unitateetarako eta jantokirako lekuarekin. Izan ere, gaur egungo eraikinak irakaskuntza-jarduera garatzeko beharrezko baldintzak ez dituela betetzen uste baita.

Euskal Herria-Eire topaketa eta Trenbide(o)a lehiaketako sari banaketa egin du Nafarroa Oinezek

  Gizartea  Bortziriak  Bera

Euskal Herria-Eire topaketa eta Trenbide(o)a lehiaketako sari banaketa egin du Nafarroa Oinezek

Exkas eta Irene taldeek irabazi dute Trenbide(o)a sormen lehiaketa eta San Migel zubian egin zen Eireko taldearen ongietorria 

Euriak ez zuen larunbateko Bikin bat in Euskal Herria-Eire (Irlanda) topaketa eta Trenbide(o)a lehiaketako sari banaketa goibeldu. Alderantziz. Hainbat ekimen antolatu ziren Lesakako Nafarroa Oinezen atariko jardueren baitan: mendi ibilaldia, Eireko gazteei omenaldia, sormen lehiaketako sari banaketa, kalejira, kantu bazkaria...

Bidasoa-Doneztebeko Eskualdeko Larrialdietako Zerbitzua martxan jarriko duela iragarri du Osasun Departamentuak

  Gizartea  Mendialdea

Bidasoa-Doneztebe, Tafalla, Zangoza eta Sakanan Eskualdeko Larrialdetako Zerbitzu bana jarriko dutela iragarri zuen irailaren 7an Fernando Dominguez Osasun Kontseilariak. Gainera, azpieskualdeko bertze gune batzuk irekitzea ere aztertzeko asmoa dute. Larrialdietan adituak diren osasun arloko langileek, 24 orduz eskainiko dute zerbitzua eta erradiologia arruntak eta ekografiak egiteko baliabideak eta balio anitzeko ZIU mugikor bat ere izanen dituzte. Horrela, arreta azkarra eskaini eta herritarren lekualdatzeak saihestea lortu nahi dute.

Goizuetako pediatria zerbitzuak ordutegi berria izanen du

  Gizartea  Leitzaldea  Goizueta

Goizuetako pediatria zerbitzuak ordutegi berria izanen du

Asteazkenetan 12:30etik 15:00etara

Goizueta eta Aranoko osasun harretaz arduratzen den pediatrak Leitzako Osasun Zentroko egoitzan ere ematen du zerbitzua. Orain arte, asteazkenetan 09:00etatik 11:30era egoten zen Goizuetako kontsultan eta bertako lanak buka­tzean joaten zen Leitzara. Abuztuan ordutegi berria jarri zuten mar­txan  eta aurrerantzean as­teazkenetan 12:30etik 15:00etara egonen da Goizuetan.

Etxalarko udalak 31.915 euro jaso ditu Usategietako lehen enkantean

  Gizartea  Bortziriak  Etxalar

Etxalarko udalak 31.915 euro jaso ditu Usategietako lehen enkantean

Etxalarko Iarmendi inguruko 21 uso ehiza postuen enkantea egin zen irailaren 3an, larunbat eguerdian Etxalarko Herriko Etxean. 31.915 eurotan eman ziren, hasierako prezioaren (34.250 euro) azpitik. Izan ere, postu bat izan ezik, denak hasierako prezioan eman ziren eta lau hutsean gelditu ziren.