Ioseba Iturbide lesakarraren kontrako epaiketa salatzeko eta babesa erakusteko agerraldia antolatu dute abenduaren 15ean

  Gizartea  Bortziriak  Lesaka

Hilaren 19an epaituko dute Espainiako Auzitegi Nazionalean, duela hamaika urteko gertaera batzuk leporatuta

Abenduaren 19an Ioseba Iturbide lesakarra epaituko dute Espainiako Auzitegi Nazionalean, duela hamaika urteko gertaera batzuk leporatuta. Zortzi urteko espetxe zigorra eskatzen dio fiskaltzak, «froga bakartzat Mattin Sarasolaren torturapeko deklarazioak izanda». Epaiketa eta haren oinarriak salatu eta Iosebari babesa erakusteko agerraldia antolatu du ’10 urte ehunka kilometrora, bihotzetik gertu’ herri ekimenak abenduaren 15ean, larunbatarekin, Lesakako plazan, 12:30ean, ‘Torturarik ez, Ioseba libre!’ goiburupean.

Erleta eskolako gurasoek jolastokia berrantolatu eta txukundu dute

  Gizartea  Leitzaldea  Leitza

Erleta eskolako gurasoek jolastokia berrantolatu eta txukundu dute

Ostegunean, abenduaren 6an, Leitzako Erleta eskolako gurasoek jolastokia berrantolatu eta txukuntzeko auzolana egin zuten. Hezkidetzaren alde beste urrats bat eman dute Leitzan.

3.861.118 euroko aurrekontua onartu du Berako Udalak

  Gizartea  Bortziriak  Bera

3.861.118 euroko aurrekontua onartu du Berako Udalak

Azpiegitura planaren baitan, Agerrako saneamendu eta ur-hornidura sareak moldatuko dituzte eta Eztegagara pilotalekuko moldaketen azken fasean ostatua eta komuna berrituko dituzte 

2019 urterako aurrekontuak onartu ditu Berako udalak, aldeko 7 boturekin (EHBilduren seiak eta Herrirako taldeko bat) eta kontrako 4rekin (Herrirako bertze hiru zinegotziak eta UPNkoa). Guztira 3.861.118 eurokoa izanen da. Azkeneko urteetakoekin alderatuz, aurtengoan ezin izan dituzte kontuak berdindu mailegurik aurre ikusi gabe. 73.000 euroko mailegu bat hartzea aurre ikusi da. Nola nahi ere udalaren zorra jausten segituko da 2019an, maileguen amortizaziorako 93.000 euro jarri direlako eta inbertsio maila mantentzen.

Baztango Haur Txokoa eskainiko dute abenduaren 26tik urtarrilaren 4ra

  Gizartea  Baztan

Baztango Haur Txokoa eskainiko dute abenduaren 26tik urtarrilaren 4ra

Dindaia Fundazioak eta Udalak eskainiko duten zerbitzuan apuntatzeko epea abenduaren 14an akituko da

3 eta 12 urte bitarteko haurrei zuzendua Haur Txokoa eskainiko dute Baztanen Dindaia Fundazioak eta Udalak abenduaren 26tik urtarrilaren 4ra, 10:00etatik 13:00 arte, Elizondoko Lanbide Eskolan. Taldea osatzeko guttienez 10 lagunek eta gehienez 20k eman beharko dute izena. Izena emateko epea abenduaren 14ra bitarte dago zabalik eta 20 euro ordaindu beharko da. Horretarako 948 580006 telefonora deitu behar da edo gizartezerbitzua@baztan.eus helbide elektronikora idatzi.

Ariztigain kanpinaren denboraldi bukaerako besta abenduaren 15ean ospatuko dute

  Gizartea  Malerreka  Sunbilla

Ariztigain kanpinaren denboraldi bukaerako besta abenduaren 15ean ospatuko dute

Larunbat arratsaldean hainbat ekitaldi, afarua eta mariatxiak izanen dituzte 

Sunbillako Ariztigain kanpinaren denboraldi bukaerako besta abenduaren 15ean ospatuko dute, hainbat ekitaldirekin.

Biak Bat elkarteko zakurrek Elizondoko Zahar Etxea bisitatu dute

  Gizartea  Baztan  Elizondo

Animaliak Lagundutako Terapia izan dute abenduaren 4 eta 5ean, ‘”Bisita nazazu, zure irribarrea eman” goiburupean


Biak Bat irabazi asmorik gabeko elkarteak eskaintzen duen Animaliek Lagundutako Terapia arlo fisikoa, emozionala, soziala edota kognitiboa hobetzea helburua duen esku-hartze terapeutikoa da. Joan den urtean bezala, aurten ere Baztango Udalak finantziazioa eman dio, Bisita nazazu, zure irribarrea eman’ programa Francisco Joaquin Iriarte Zahar Etxean gauzatzeko. Abenduaren 4an eta 5ean egin zituzten bisita ludikoak, «gure txakurrekin batera momentu eder bat bizitzeko». Zahar Etxeko bizilagunak gustora ibili tiren.

»» Ikusi argazki guztiak (5)

Bazkari batekin ospatu du Elkarrizan elkarteak Onda Ceroren elkartasun saria

  Gizartea  Bortziriak

Bazkari batekin ospatu du Elkarrizan elkarteak Onda Ceroren elkartasun saria

30 lagun elkartu ziren abenduaren 5ean Berako Churrut jatetxean

Abenduaren 5ean, Boluntarioen Egunean, Onda Cero irratiak emandako elkartasun saria bazkari batekin ospatu du Elkarrizan elkarteak. 30 lagun elkartu dira Berako Churrut jatetxean.

 

Pentsioei buruzko solasaldia eskainiko dute abenduaren 12an Lesakan

  Gizartea  Bortziriak  Lesaka

Pentsioei buruzko solasaldia eskainiko dute abenduaren 12an Lesakan

Asteazkenean 17:30ean jubilatuen elkartean antolatu du Nafarroako Pentsionistak martxan elkarteak

Nafarroako Pentsionistak martxan elkarteak antolatuta, ‘Pentsioak gaur egun eta etorkizunean’ solasaldia eskainiko dute abenduaren 12an, asteazkenean 17:30ean Lesakako San Fermin jubilatu elkartearen egoitzan,

Beintza Labaiengo Manuela Ibarrola Telletxeak 100 urte bete ditu

  Gizartea  Malerreka  Beintza-Labaien

Beintza Labaiengo Manuela Ibarrola Telletxeak 100 urte bete ditu

Beintzako Mendikoetxean, Sekretario xaharraren etxean jaio zen 1918ko azaroaren 28an

Beintzako Mendikoetxean edo herrian ezagutzen den bezala, Sekretario xaharraren etxean jaioa da, duela mende bat Manuela Ibarrola Telletxea. Gaur egun oraindik ere bertan bizi da. Tomasek eta Rupertak, 9 seme alaba izan zituzten, horietatik bi txikitan zenduak. Manuela 1918ko azaroaren 28an jaio zen eta bosgarrena egiten du senideen artean. Ez da ez txantxetakoa Manuelak 100 urte bete izana. Zorionak Mañola!

Aizpea Goenagak piztu du IrriSarri Landeko txondorra

  Gizartea  Bortziriak  Igantzi

Aizpea Goenagak piztu du IrriSarri Landeko txondorra

15.000 kilo egur erabili dira et 5 Tona ikatz lortzea espero dute 

Duela bortz urtetik hona, IrriSarri Landek euskara eta euskal kultura hainbat modutan zabaltzen laguntzen duen pertsona bat omentzen du. Aurten, Aizpea Goenaga zinema zuzendari eta aktoreak piztu du txondorra, eta bere aztarna utzi du Ikaztegia–Ikatz Museoko enbor batean, aitzineko urteetan  Iñaki Perurenak, Xabier Euzkitzek, Xabier Agotek eta Toti Martínez de Lezeak egin duten bezala. Ekitaldia Estitxu Pinatxo Berako kantariak aurkeztu eta gidatu zuen, eta Aurtizko joaldunak ere bertan izan ziren.

Erleta eskolako ikasleek Euskaraldiaren harira bideotxo bat grabatu dute

  Gizartea  Leitzaldea  Leitza

Euskaraldia ekimenean parte hartu dute Erleta eskolako ikasleek. Bosgarren eta seigarren mailakoek, gainera, amaiera emateko bideotxo bat grabatu dute. Ahoak eta belarriak ez ezik, gorputzak ere astindu dituzte euskararen alde. Hona hemen izoztutako momentu batzuk! Argazkiak: Mikel Ilarregi

»» Ikusi argazki guztiak (4)

Josu Goiari omenaldia eskainiko diote abenduaren 16an Beran

  Gizartea  Bortziriak  Bera

Josu Goiari omenaldia eskainiko diote abenduaren 16an Beran

Eguerdian Kultur Etxean eginen den ekitaldiaren ondotik herri bazkaria eginen dute Zubiondon eta txartelak abenduaren 9ra bitarte eskura daitezke

Josu Goiaren ibilbide politikoa omentzeko ekitaldia antolatu du Sortuk abenduaren 16an, 12:00etan Berako Kultur Etxean. Ondotik, poteo herrikoia eginen dute eta 14:00etan bazkaria Zubiondo jatetxean. Bazkarirako sarrerak Kataku herri ostatuan salgai daude, abenduaren 9ra bitarte. Helduek eta beganoek 20 euro ordaindu beharko dute eta haurrek 8 euro.

Euskararen eguneko jarduera ezberdinak egin dira Baztanen

Euskararen eguneko jarduera ezberdinak egin dira Baztanen

  Gizartea  Baztan  Elizondo

Giro ezin hobea lagun, Baztango Euskalgintzak antolatuta, Euskararen eguna ospatzeko ekitaldi ezberdinak egin ziren atzo Elizondon. 11:30ak aldera, plazatik abiatuta, kalejira jendetsua burutu zen Elizondoko karriketatik barna, Jo ala Jo kultur taldeko musikariek alaituta. Euskaraldiaren protagonista izan diren Ahobizi eta Belarriprest ere izan ziren kalejira buruan. Plazara ailegatu eta dantza batzuk egin ostean, Jo ala Jo taldeko txalapartariek abiatu zuten plazako saioa. Ondotik, Gaztelu abesbatzak gidatuta,"Bagare", "Aitorren Hizkuntz Zaharra", "Arrantzaleak" eta "Xalbadorren Heriotzean" kantak kantatu zituzten bertan bildutakoek. Jon Barberena bertsolari elizondarrak kantaturiko bertsoak eta Marijo Indaberek prestaturiko baztan zopek borobildu zuten atzoko eguna.

Hamabi bikotek parte hartu dute Iturengo mus txapelketan

Hamabi bikotek parte hartu dute Iturengo mus txapelketan

  Gizartea  Malerreka  Ituren

Azaroaren 30ean, ortziralean, mus txapelketa jokatu zuten Iturengo Herriko Ostatuan. Guztira 12 bikotek hartu zuten parte. Josetxo eta Iñigo Iparragirre izan ziren garaile. Bi txuleta eta botila bat ardo irabazi zituzten.

Naroa Elizaldek ez du finalerdietan aurrera egitea lortu

  Gizartea  Malerreka  Zubieta

Naroa Elizaldek ez du finalerdietan aurrera egitea lortu

Finalean promozio mailan Aldai eta Orbegozo lehiatuko dira; lehen mailan, berriz, Arrizabalaga eta Espinar. 

Amezketako pilotalekuan jende dezente bildu zen igandean, abenduaren 2an. Emakume Master Cup txapelketako finalerdiek erakarri zituzten ikusleak. Jokalarien artean izan zen Naroa Elizalde zubietarra. Oihana Orbegozoren aurka aritu zen, baina ezin izan zion aurre egin. 13-18 gailendu zitzaion.