Futbol derbia jokatuko dute Beti Gazte eta Baztango neska kadete-infantilek
api 19, 08:00
Eskubaloian, txapeldunen faseko azken partidan, hirugarren postua jokoan izanen dute Donezteben Errekak eta Ardoik
Azken txanpan sartua da denboraldia eskualdeko kirol taldeentzat. Eskubaloian, emakumeen talde nagusiek bukatu dute, baina Errekako gizonezkoek lauko finalerako sailkapena segurtatua dute. Larunbat honetan, gurutzaketan Loyola taldea saihesteko hirugarren postua lortzeko norgehiagoka izanen dute Errekak eta BM Ardoik. Irabazleak Lagunak taldearen kontra jokatuko du finalerdia eta galtzaileak, orain arteko partida guztiak irabazi eta faborito nagusia den BM Loyolaren kontra. Berdinketa Zizurko taldeari emanen lioke hirugarren postua. Futbolari dagokionez, Nafarroako ligetan ari diren talde nagusi guztiek etxean jokatuko dute eta Gipuzkoan ari direnek kanpoan. Errugbian, Sarako Izarrako emakumeek Animainean jokatuko dute.
Bihar bukatuko da gatazken kudeaketaz eta elkarbizitza sustatzeaz Arantzan eginen duten hitzaldian izena emateko epea
api 18, 18:00 Bortziriak Arantza
Bortzirietako Gizarte Zerbitzuen Mankomunitateak antolatuta, heldu den asteartean, apirilaren 23an, gatazken kudeaketari eta elkarbizitza sustatzeari buruzko hitzaldia eginen dute Arantzan, eta parte hartu nahi dutenek bihar izanen dute izena emateko hondarreko eguna.
![[BIDEOA] Berako Mendi Maratoi Erdiko irteera eta iritsiera bideoan](
https://erran.tok-md.com/argazkiak/mxS/cache/Maddalen_Jimenez_helmugara_ailegatzen_tokikom_735x413.jpg
)
![[GUTUNA]: Beintza-Labaiengo bizilagun babesgabe batzuen komunikatua](
https://erran.tok-md.com/argazkiak/yEW/cache/GUTUNA_tokikom_735x413.jpg
)
