Iktusari aurrea hartzen ikasteko solasaldia eskainiko du ADACEN elkarteak azaroaren 7an Beran

  Gizartea  Bortziriak  Bera

Iktusari aurrea hartzen ikasteko solasaldia eskainiko du ADACEN elkarteak azaroaren 7an Beran

Arkupeak elkarteak antolatuta, asteazkenean 18:00etan Beralandetan

Arkupeak elkarteak antolatuta iktusari aurrea hartzen ikasteko solasaldia eskainiko du ADACEN elkarteak azaroaren 7an, asteazken arratsaldeko 6etan Berako Beralandetan. Solasaldia interesgarria gaztelaniaz eskainiko dute.

Zabarkeria eta zakarkeria salatu ditu Bortzirietako Hiri-Hondakinen Mankomunitateak

  Gizartea  Bortziriak

Zabor ugari pilatzen de edukiontzietatik kanpo eta, bertzetik, zabor puntuetan kalteak eragin dituzte 


Azken aldi honetan bi arazo nagusi izan dira Bortzirietako zabor puntuetan, eta horien ondorioz, edukiontzien erabilpena galarazi eta gure herrietako inguruak zikintzen ditu. Zabarkeria eta zakarkeria salatu ditu Bortzirietako Hiri-Hondakinen Manlomunitateak.

»» Ikusi argazki guztiak (10)

Frankfurteko maratoia bukatu dute Bixente Igarzabal eta Jose Luis Irurzun lesakarrek

  Kirola  Bortziriak  Lesaka

Frankfurteko maratoia bukatu dute Bixente Igarzabal eta Jose Luis Irurzun lesakarrek

20.000 korrikalariren artean 314. izan zen Igarzabal eta 2.275. Irurzun 

Beti Gazte elkarteko ordezkari, Frankfurteko (Alemania) Maratoi entzutetsuaren 37. Edizioan parte hartu dute Bixente Igarzabal eta Jose Luis Irurzun lesakarrek. Biek marka politak egin zituzten.

Azkaingo Xabi Martinez eta Lezoko Lurdes Oiartzabal nagusitu dira Lizuniagako Igoeraren 38. Edizioan

  Kirola  Bortziriak  Bera

80 korrikalari izan dira proba nagusian eta ehun bat haurren artean


Gure Txokoa elkarteak 38. Aldiz antolatutako Lizuniagako Igoera burutu zen urriaren 27an. Eguna haurren krosarekin hasi da eta bertan ia 100 kirolari izan ziren. Gero, arratsaldeko 5etan, proba nagusian 80 korrikalari atera ziren. Kopuru polita, eguraldi iragarpena kontuan hartuta. 

»» Ikusi argazki guztiak (24)

Hotzari eta euri erauntsiei aurre eginez 32. Lurraren Eguna ere arrakastatsua izan da Beran

  Gizartea  Bortziriak  Bera

Berako Pimitxeneko Eider Pikabeak irabazi zuen gazta lehiaketa eta Lesakako Aialdeko Alberto Otxotekok sagardoarena


San Simon eta San Juda da urriaren 28a eta igandean Beran ikusi zen, kantuak dioen bezala, uda joan eta negua heldu dela. Halere, tarteka bota zuen euriari eta hotzari aurre eginez jendetza bildu zen, Gure Txokoak hogeita hamabigarreb aldiz antolatutako Lurraren Egunean. Nahiz eta batzuk, eguraldi iragarpenagatik, gibelera egin, ehun eskulangile ingururen eta 40 elikadura produktuen postu hedatu ziren Altzateko karrikan, Altzateko Plazan, Altzateko frontoian eta besta egun honetan gero eta protagonismo handiagoa hartzen ari den Illekuetako zubiko bertze aldean ere, Merkatuko Plazan. 

»» Ikusi argazki guztiak (75)

85 urte bete dituztenak eta urrezko eta diamantezko ezteiak ospatzen dutenak omendu dituzte Lesakan

  Gizartea  Bortziriak  Lesaka

85 urte bete dituztenak eta urrezko eta diamantezko ezteiak ospatzen dutenak omendu dituzte Lesakan

Urriaren 26an ospatzen ari diren San Fermin elkartearen egunaren baitan

Lesakako San Fermin jubilatu elkartearen Eguna urriaren 26an, ortziralean ospatzen ari dira. Aurten ere, diamantezko eta urrezko ezteiak ospatzen dituzten bikoteei eta 85 urte betetzen dituzten bazkideei omenaldia eskaini zaie. 

Lesakako Irain Ikastetxe Publikoak eTwinning kalitate-zigilu europarra jaso du

  Hezkuntza  Bortziriak  Lesaka

Lesakako Irain Ikastetxe Publikoak eTwinning kalitate-zigilu europarra jaso du

Nafarroako bertze zortzi ikastetxerekin batera

Nafarroako bertze zortzi ikastetxerekin batera, Irain Eskola Publikoak 2017-2018 ikasturtean burututako eTwinning proiektu bati lotuta kalitate-zigilu europarra jaso du. Proiektuan Lehen Hezkuntzako bosgarren eta seigarren mailako ikasleek parte hartu zuten, haien ingeleseko bi irakasleekin eta IKTko irakaslearekin batera. 

Andoni Egañarekin solasaldia eta bertso gaztain jatea prest ditu Bortzirietako Bertso Eskolak

  Kultura  Bortziriak  Lesaka

Andoni Egañarekin solasaldia eta bertso gaztain jatea prest ditu Bortzirietako Bertso Eskolak

Ortziralean 17:30ean ‘Txapelketa motibazio’ solasaldia eskainiko du Lesakako Harriondoa Kultur Etxean

Andoni Egañak Txapelketa motibazio solasaldia eskainiko du urriaren 26an, ortziralean 17:30ean Lesakako Harriondoa Kultur Etxean. Bertzetik, azaroaren 3an bertso gaztain jatea antolatu du Bertso Eskolak Lesakako Basurde elkartean, Andoni Egaña bera eta Nerea Ibarzabal ariko dira bertsotan, Josu Sanjurjo gidari dutela. Izen-emateko 618 96 30 11 telefonora deitu behar da.

Irlanda eta Euskal Herriko dantzak eta musika ikusgai eta entzungai izan dituzte Beran

  Kultura  Bortziriak  Bera

Dantza gaelikoaren eta euskal folkloaren arteko elkartrukerekin segitu dute asteburu honetan Beran, Gure Txokoa dantza taldearen eskutik. Irlandako Cork hiriko Ballyphephane dantza taldea etorri da Berara eta Zarauzko Jalgi dantza taldearekin batera, emanaldia eskaini dute larunbat arratsaldean Merkatu plazan. Irlandarrak asteburu osoa eman dute Beran, bertako musika eta dantzak karriketan hedatuz.

»» Ikusi argazki guztiak (14)

Carlos Nuñezek kontzertua eskainiko du bigarren urtez Etxalarren

  Kultura  Bortziriak  Etxalar

Carlos Nuñezek kontzertua eskainiko du bigarren urtez Etxalarren

Azaroaren 25ean elizan eskainiko duen emanaldirako sarrerak salgai daude dagoeneko 

Bigarren urtez, Carlos Nuñez musikari ezagunaren taldeak kontzertua eskainiko du elizan, Itsaso Elizagoien taldeko trikitilaria dela aitzakia hartuta. Azaroaren 25ean izanen da, 20:00etan, eta sarrerak salgai daude Elutsan, Herriko Ostatuan eta www.ataquilla.com atarian.

Maskulinitate tailerrak eskainiko dituzte Arantzan eta Etxalarren

  Gizartea  Bortziriak

Maskulinitate tailerrak eskainiko dituzte Arantzan eta Etxalarren

Bortzirietako Gizarte Zerbitzuen Mankomunitateak antolatu ditu urriaren 29an eta 30ean

Bortzirietako Gizarte Zerbitzuen Mankomunitateak maskulinitate ereduen inguruko hausnasketarako tailerrak antolatu ditu, Nafarroako Gobernuaren Berdintasunerako Institutuaren diru-laguntzarekin eta Equala aholkularitza sozialaren laguntza teknikoarekin. Egoitz A. Albenizek eskainiko du tailerra euskaraz, urriaren 29an Arantzan eta 30ean Etxalarren. Bortzirietako 14 urtetik goitiko mutil eta gizonei zuzendutako tailerrak dira.

Bidasoko bide berdeko Endarlatsako tunela itxiko dute urriaren 22tik azaroaren 5era

  Gizartea  Bortziriak  Lesaka

Bidasoko bide berdeko Endarlatsako tunela itxiko dute urriaren 22tik azaroaren 5era

Cederna Garalur elkarteak eta Baztan-Bidasoko udalek «arretaz ibiltzeko» deia egin dute

Bidasoko bide berdeko lurzorua zaharberritzeko lanean ari dira. Moldaketa-lanak tarteko, urriaren 22tik, astelehenetik, azaroaren 5era bitarte, bi astez, Montoiako tunelean (Endarlatsa, Lesaka) itxiko dute.

Zuzendaritza batzordean aldaketa egin du Berako Gure Txokoa elkarteak

  Gizartea  Bortziriak  Bera

Zuzendaritza batzordean aldaketa egin du Berako Gure Txokoa elkarteak

Javier Escagues da presidente orde berria, Patxi Castilloren ordez 

Urriaren 6an egindako ez ohiko batzarrean aldaketaren bat edo bertze egin zuen Berako Gure Txokoa elkarteak. Jende gutti elkartu zen batzarrean. Aldaketarik nagusiena, zuzendaritza batzordean egindakoa izan zen. Patxi Castillok ardura hori utzi eta Javier Escagues izanen da presidente orde berria. Jaione Dozagaratek segitzen du presidente lanean; Javier Escagues izanen da, beraz, presidente ordea; Carlos Pacheco idazkaria eta Edurne Pacheco diruzaina.

Berako Olentzero herrikoiko kalejiran jotzeko gonbidapena egin die Udalak musikariei

  Kultura  Bortziriak  Bera

Berako Olentzero herrikoiko kalejiran jotzeko gonbidapena egin die Udalak musikariei

Urriaren 31 arte eman daiteke izena eta abenduaren 12an eginen dute entsaioa Musika Eskolan 

Olentzeroren emanaldia parte-hartzaileagoa eta osatuagoa egiteko asmoz, Berako Udalak musikariei dei egiten dizue Olentzero herrikoiaren kalejiran  parte hartzera. 

'Oroitzapenak' margo erakusketa eginen dute Etxalarko Kultur Etxean

  Kultura  Bortziriak  Etxalar

'Oroitzapenak' margo erakusketa eginen dute Etxalarko Kultur Etxean

Urriaren 19tik 28ra ikusgai izanen dira Jose Manuel Barahonaren margolanak

Urriaren 19tik 28ra Jose Manuel Barahonaren Oroitzapenak erakusketa ikusgai izanen da Etxalarko Kultur Etxean. Urriaren 19an, ortziralean 19:00etan inauguratuko dute eta hilaren 20, 21, 27 eta 28an 18:00etatik 20:00etara eta urriaren 22tik 26ra 17:00etatik 19:00etara ikusgai izanen da. 

Arantzako Mikel Goizueta txapeldunorde izan da Gipuzkoako karate txapelketan

  Kirola  Bortziriak  Arantza

Arantzako Mikel Goizueta txapeldunorde izan da Gipuzkoako karate txapelketan

Junior mailako Euskadiko txapelketan parte hartuko du urriaren 20an Donostian 

Hondarribiko Kisoku taldean ari den Mikel Goizueta aranztarra Gipuzkoako txapelketan txapeldunorde suertatu zen urriaren 9an, Hondarribian jokatutako. Hain zuzen, kumite edo borroka modalitatean, junior mailan eta 76 kiloz beheitiko kategorian lortu zuen finalera sartzea, baina galdu egin zuen Bera Berako Aniotz Manceiraren kontra. Orain, urriaren 20an Donostiako Anoeta belodromoan jokatuko den Euskadiko txapelketan parte hartuko du.

Errobiko lasterketako podiumera igo dira Bixente Igarzabal lesakarra eta Gwendal Larque beratarra

  Kirola  Bortziriak

Errobiko lasterketako podiumera igo dira Bixente Igarzabal lesakarra eta Gwendal Larque beratarra

Javi Urbano irundarraren ondotik, bigarren eta hirugarren izan ziren, igandean Uztaritze eta Baiona lotu zituen 13 kilometroko lasterketan 

Uztaritze eta Baiona lotzen dituen Errobiko lasterketa egin zen urriaren 14an. 455 korrikalariren artean 13 kilometroko lasterketa osatzen bizkorrena Javi Urbano irundarra izan zen (44 minutu eta 58 segundo). Bere ondotik, Lesakako Beti Gazteko Bixente Igarzabal (47 minutu eta 7 segundo) eta Berako Manttale taldeko Gwendal Larque (47 minutu eta 28 segundo) sailkatu ziren, bigarren eta hirugarren postuan.

Iban Maia lesakarrak irabazi du Arbizuko txistor pintxo lehiaketa

  Gizartea  Bortziriak  Lesaka

Iban Maia lesakarrak irabazi du Arbizuko txistor pintxo lehiaketa

Argiñano eskolan sukaldaritza ikasten ari da eta lehen aldiz parte hartu zuen lehiaketa honetan

Urriaren 14an Arbizun ospatu zuten Txistor Egunaren 10. edizioa. Bertze hainbat ekitaldiren artean, txistor pintxo lehiaketa ere egin zuten eta bertan, lehen saria Lesakako Iban Maiarendako izan zen. Argiñano eskolan sukaldaritza ikasten ari da Maia. Lehiaketan irabazle suertatu zen pintxoa honela osatu zuen: Ogi-apur oinarria, txistor pixka batekin eta sagarra, bakailu brandada, arto-irinean arrautzaztatutako gorringoa eta mango chutney saltsaren hiru puntu. 

'Aunitz urtez' txistu emanaldi gustagarria eskaini du Beran Ache pa ti taldeak

  Kultura  Bortziriak  Bera

Euskal Herriko Txistulari Elkarteak, Berako musika eskolako txistu sailak eta Berako txistulari taldeek antolatuta kontzertua eskaini zuten ortzirale arratsaldean Berako Kultur Etxean. ‘Aunitz urtez’ emanaldi bikaina eskaini zuen Ache pa ti taldeak.

»» Ikusi argazki guztiak (6)

Nabarmenak

Zorion agurrak