Hor dun koxka talde lesakarraren kantua Euskal Herriko Trikitixa Elkartearen diskan

  Kultura  Bortziriak  Lesaka

Hor dun koxka talde lesakarraren kantua Euskal Herriko Trikitixa Elkartearen diskan

Durangoko Azokan aurkeztuko duten ‘Haziak II’ diskan sartu dute ‘Kateak hautsita’ kalejira

Euskal Herriko Trikitixa Elkarteak maketa lehiaketa antolatu du aurten ere. Aurkeztu diren hamar kantu onenekin Haziak II diska grabatu dute. Kanta horien artean sartu dute Lesakako Hor dun koxka taldearen Kateak hautsita kalejira. Durangoko Azokan aurkeztuko dute eta bertan izanen dira taldekideak ere, diskak sinatzen.

«Hagitz kontent gabiltza Uxanen»

  Gizartea  Bortziriak  Bera

«Hagitz kontent gabiltza Uxanen»

Uxaneko erabiltzaile beteranoak dira Mari Nieves Elgorriaga (Bera, 50 urte), Susana Fragoso (Lesaka, 48 urte) eta Bisi Gorostidi (Bera, 64 urte). «Aspalditik» dabiltza Uxanen, eta han eta hemen parte hartuz, «hagitz kontent» joaten direla kontatu digute. Halaxe islatzen du euren aurpegiak ere. Denetariko jarduerak egiten dituzte eta ez dute aspertzeko astirik izaten. Elgorriagak «libretak eta gimnasia egitea eta paseoak ematea» ditu gustukoen. Fragosok, berriz, artisautza maite du: «giltzariak edo betaurrekoentzako sokak bolatxoekin egitea eta koadernatzea». Era berean, «igerilekura joatea eta gimnasia egitea» ere atsegin ditu. Gorostidik maite dituen ekintzak ere aunitz dira: «giltzariak egitea gustatzen zait baita koadernatzen aritzea ere». Horiez gain, «gimnasia egitea, igerilekura joatea eta antzerkia lantzea» ere gustuko du.


Elgorriaga eta Fragoso, asteguneko goizak eta arratsaldeko lehenbiziko orduak Uxanen pasatu ondotik, gurasoen etxera erretiratzen dira. «Uxanetik atera eta trikitixa jotzen dut, eta amarekin eta attarekin paseatzera joaten naiz. Gero, afaldu eta ohatzera». Asteburuak, berriz, «amari etxeko lanetan laguntzeko» aprobetxatzen ditu Elgorriagak.


Fragoso «Uxanetik ateratzean, normalean amarekin ateratzen» da, «baina neguan ilundua izaten denez, ez». Asteburuetan, «goizez eta arratsaldez amarekin» ateratzen dela dio. Gurasoei etxeko lanetan ere laguntzen die: «erosketak egiten, etxea garbitzen, ohatzeak egiten...». Eta herritik kanpora ateratzea ere maite du: «nire hiru ahizpak kanpoan bizi dira eta etortzen direnean, toki aunitzetara eramaten naute. Aunitz gustatzen zait kanpora ateratzea».


Gorostidi, ordea, Maddi egotetxean bizi da, urritasunak dituzten pertsonak elkarrekin bizi diren Aspaceren baitako etxebizitzan, hain zuzen. Eta «kontent» da Maddin.  «Uxanetik atera ondotik, meriendatu» egiten duela dio. Baina ez hori bakarrik. «Pianoa jotzen dut». Horrez gain, «dutxatu, telebista ikusi eta afaldu egiten dugu». Urteotan guztiotan oporretan ibiliz «toki aunitz» ezagutzeko aukera ere izan du.  

Onda Cero irratiaren elkartasun sarietako bat eskuratu du Elkarrizan elkarteak

Onda Cero irratiaren elkartasun sarietako bat eskuratu du Elkarrizan elkarteak

  Gizartea  Bortziriak

Jose Mari Irazoki eta Maribel Abrilek jaso zuten azaroaren 28an kohesioari eta inklusioari dagokion aipamen berezia 

Onda Cero irratiak laugarren urtez eman dituen elkartasun sarietako bat Bortzirietako Elkarrizan laguntza emaile taldeak eskuratu du. Zehazki, gizarte-kohesioari eta inklusioari dagokion aipamen berezia jaso zuen azaroaren 28an Iruñean. Ainhoa Aznarez, Nafarroako Parlamentuko presidentearen eskutik jaso zuten saria Jose Mari Irazokik eta Maribel Abrilek, Elkarrizan taldeko ordezkariek. 2004tik honat egindako lana azpimarratu du epaimahaiak.

Beti Gazte futbol taldea 2018-2019

  Kirola  Bortziriak  Lesaka

»» Ikusi argazki guztiak (11)

Pepito Yanciri buruzko musikala Iruñean eskainiko du Lesakako Musika Bandak

  Kultura  Bortziriak  Lesaka

Pepito Yanciri buruzko musikala Iruñean eskainiko du Lesakako Musika Bandak

Abenduaren 8an Gayarre antzokian eginen duten saiorako sarrerak salgai daude

Joan den urteko abenduaren 30ean omenaldia egin nahi izan zion Lesakako Musika bandak Pepito Yanci herrikide soinujoleari, jaio zeneko 100. Urteurrenaren harira. Egun hartan ‘Pepito Yanci, beti bizi’ musikalaren bi emanaldi eskaini zituzten Harriondoa Kultur Etxean. Urtebete beranduago, musikala Iruñera eramanen dute. Abenduaren 8an eskainiko dute emanaldia hiriburuko Gayarre antzokian.

Lesakako ferietan zozketatutako zerria Felix Irazokiri egokitu zaio

  Gizartea  Bortziriak  Lesaka

Lesakako ferietan zozketatutako zerria Felix Irazokiri egokitu zaio

Bera da 3.442 zenbakiaren jabea

Azken urteetako ohiturari eutsiz, euskal presoekin elkartasunean, zerri bat zozketatu dute Lesakako ferietan. Zenbaki sariduna egun berean atera zuten: 3.442. Lesakako Felix Irazoki Zozaiari egokitu zaio.

Sareuska egitasmoak bosgarrenez egin duen Mintzodromoarekin hasi dute Euskaraldia Bidasoaz bi aldeetako 140 lagunek

  Euskara  Bortziriak

Sareuska egitasmoak bosgarrenez egin duen Mintzodromoarekin hasi dute Euskaraldia Bidasoaz bi aldeetako 140 lagunek

Irungo Mendibil merkataritza guneko jatetxe eta zinemaren gunean egin zuten eta Irun, Hondarribia, Bortziriak eta Hego Lapurditik etorritako kideek hartu dute parte aurten ere 

2014ko abenduaren 3an antolatu zuen Sareukak lehen Mintzodromoa, Sareuska euskararen sarea sortu zen urte berean. Bidaso Txingudi Mugaz Gaindiko Partzuergoak, Hego Lapurdiko Euskal elkargoak eta Bortzirietako Euskara Mankomunitateak sortu zuten Sareuska, Bidasoaz bi aldeetako eskualdeetan euskararen erabilera bultzatzeko eta dinamizatzeko helburuarekin eta helburua hau garatzeko plangintzan txertatzen da Mintzodromoa. Ordutik urtero egin da; 2015ean Hondarribian,  2016an Donibane Lohitzunen, iaz Lesakan eta aurten bigarrenez Irunen.

Nafarroako Parlamentuaren Mahaiaren eta Eledunen Batzarra Lesakan egin dute azaroaren 26an

Nafarroako Parlamentuaren Mahaiaren eta Eledunen Batzarra Lesakan egin dute azaroaren 26an

  Politika  Bortziriak  Lesaka

Nafarroako Parlamentuaren Mahaiaren eta Eledunen Batzarraren bilkura Iruñean egin ordez Lesakan egin dute azaroaren 26an, Parlamentu ibiltaria programaren baitan. Astelehen goizean abiatu dira alderdi guztietako parlamentariak Iruñetik eta Lesakako Herriko Etxean egin dute Mahaiaren eta Eledunen Batzarra. Gero, talde parlamentarioetako eledunek prentsaurrekoa eskaini dute eta parlamentarien eta Lesakako alkate eta zinegotzien arteko topaketa egin dute. Nafarroako Parlamentuko presidenteak, Ainhoa Aznarezek Lesakako Herriko Etxeak eskainitako harrera eskertu du eta Jose Luis Etxegarai Lesakako alkateak, Parlamentuak Bortzirietara hurbiltzeko egin duen esfortzua ere eskertu du. Herria ere bisitatu dute parlamentariek, Iruñera bueltatu baino lehen.

Nafarroako txapel guztiak irabazi ditu Beti Gazteko sokatira taldeak

  Kirola  Bortziriak  Lesaka

Nafarroako txapel guztiak irabazi ditu Beti Gazteko sokatira taldeak

Gizasemeen 600 kilokoan eta txapelketa mistoan Lesakan bertan jantzi zituzten larunbatean, tiraldi guztiak irabazita 

Beti Gazte sokatira taldea jaun eta jabe izan da aurtengo sokatira txapelketan. Lehenik, emakumeen txapelketa eta gizasemeen 640 kilokoa irabazi zituen eta orain, txapelketa mistoa (550 kilokoan) eta gizasemeen 600 kilokoa lortu ditu. Kategoria hauetako bigarren eta hondar saioa, gainera, Lesakan jokatu zen larunbatean eta hortaz, etxean paratu dituzte txapelak.

Paris 365 elkartearentzat 3.100 kilo janari bildu dituzte Arantzan eta Igantzin

  Gizartea  Bortziriak

Arantzan eta Igantzin Paris 365 elkartearentzat 3.100 kilo janari bildu dituzte eta larunbatean eraman zuten bildutakoa. Paris 365 elkarteak herritarren borondatea eskertu nahi izan du, borondate hori «benetan lagungarria» zaiela nabarmenduz. Bi herriotan egin duten bilketaren argazki batzuk bildu ditugu segidan.  

»» Ikusi argazki guztiak (4)

Emanaldi bikaina eskaini du bigarren urtez Carlos Nuñezek Etxalarren

  Kultura  Bortziriak  Etxalar

Eliza goitiraino beteta, eskualdeko zenbait musika talde ere igo ziren oholtzara 


Bigarren urtez Carlos Nuñez eta bere taldeak kontzertua eskaini zuten Etxalarko Elizan azaroaren 25ean. Sarrera guziak agortuta eta eliza goitiraino beteta giro berezia eta beroa sortu zen musikarien eta publikoaren artean. Itsaso Elizagoien herriko trikitilaria benetan emozionatuta eta eskertua agertu zen kontzertua aitzinera eramateko laguntzen aritu ziren guziekin. Bigarrena bai baina azkena izanen ez delako esperantzarekin agurtu ziren taldekoak. Gonbidatuen artean, Etxalarko trikitilariak, txistulariak eta Lesakako gaiteroak ere parte hartu zuten kontzertuan. Igande arratsalde ederra izan zen. Argazkiak: Ibon Errazu Uria

»» Ikusi argazki guztiak (25)

Su-egur lotea eskatzeko aukera ireki du Lesakako Udalak

  Gizartea  Bortziriak  Lesaka

Abenduaren 31 arte egin daitezke eskaerak 

Lesakako Udalak bando bidez jakinaraziduenez, etxerako su-egur lotea nahi duenak www.lesaka.net webgunetik edo 948 637005 telefonora deituz eman dezake izena abenduaren 31 arte. Nork eskatzen duen eta kontaktatzeko telefonoa zehaztu beharko dituzte eskatzaileek. Loteak bortz tona ingurukoak dira eta Zambrara garraiatuko dira. Lote bakoitzak 200 euro inguru balio du. Aukera izanen da, lekurik izanez gero, loteak etxera eramateko, baina horretarako gehixeago ordaindu beharko da.

175 azienda plazaratu ziren Lesakako feria egun jendetsuan

  Gizartea  Bortziriak  Lesaka

Lesakako Gillenbordako eta Berako Begibeltzenekobordakoak eskuratu dituzte sari nagusiak behi aziendetan, Marisol Otxoteko lesakarrak zaltabereetan eta Berako Miguel Angel Etxegaraik aharietan


175 azienda aurkeztu ziren ortzegun goizean Lesakako Plaza Zaharra ingurura, Bortzirietako feria egunean parte hartzera, joan den urtean baino 50 gehiago. Horietatik 96 zaltabereak ziren (iazkoaren bikoitza kasik, aitzinego egunetan egindako euriarengatik ezin izan baitzituzten menditik bildu), 77 behi (azken urteetako kopururik handixkoena), batzuk bere aretzearekin eta zezenkoren bat eta 2 ahari baino ez. Eguraldi politari esker, jendetza bildu Lesakako karriketan.

»» Ikusi argazki guztiak (57)

IrriSarriko enduro txapelketan 90 txirrindularik hartu dute parte

  Kirola  Bortziriak  Igantzi

IrriSarriko enduro txapelketan 90 txirrindularik hartu dute parte

19 kilometroko ibilbidea osatu behar izan zuten Igantziko IrriSarri Land parkean

90 txirrindularik hartu dute parte igandean Igantzin, IrriSarri Bike enduro txapelketan. Nafarroatik eta inguruko herrialdetatik etorritako parte-hartzaileak 9 kategoriatan banatu zituzten. 8 eta 14 urte arteko neska-mutikoek four cross proban parte hartzeko aukera izan zuten. 

Usategietako denboraldia 818 usorekin bukatu dute Etxalarren

  Gizartea  Bortziriak  Etxalar

Usategietako denboraldia 818 usorekin bukatu dute Etxalarren

Azaroaren 9an egindako zozketan lehenbiziko sariaren irabazlea ez da agertu. 3.013 zenbakia duenak 690 26 77 59 telefonora deitu beharko du

Azaroaren 20an bukatu da Etxalarko sarezko uso harrapaketa tradizionalaren aurtengo denboraldia. «Ez da sasoi ona» izan 68 dozena eta bi uso harrapatu dituzte. Horren arrazoitzat «behelaino eta hego-haize egun ugariak» direla adierazi dute, eta era berean, «kostaldetik Etxalartik baino aunitzez uso gehiago joan dela» nabarmendu dute. 

Berriz ere su-itzalgailua hustu dute Berako Eztegara pilotalekuko kantxan

  Gertaerak  Bortziriak  Bera

Berriz ere su-itzalgailua hustu dute Berako Eztegara pilotalekuko kantxan

Eremu publikoak irekiak kontzeko asmo garbia du Berako Udalak, «baina horrelako ekintzek asmo hori bertan behera uzteko gogoa ematen dute»

Berako udalak salatu nahi du gaur Eztegaran pilotalekuan aurkitu duen egoera.  Garbitasuneko langilea bere lana egitera joan denean frontoi guztia hauts zuriz estalia aurkitu du. Berriz ere su-itzalgailua hustu dute Eztegara pilotalekuko kantxan.  

Euskadiko launakako sokatira txapelketan garaile suertatu dira Beti Gazteko neska-mutilak

  Kirola  Bortziriak  Lesaka

Euskadiko launakako sokatira txapelketan garaile suertatu dira Beti Gazteko neska-mutilak

Nafarroakoan ere tiraldi guztiak irabazi zituzten larunbatean Elizondon

Asteburu bikaina izan da Lesakako Beti Gazteko sokatira taldearentzat. Igandean, Artziniegan (Araba), 4x4 sokatira txapelketa irabazi zuen talde mistoak 280 kiloko kategorian. Bezperan, tiraldi guztiak irabazi zituzten Nafarroako zortzinakako txapelketa mistoan eta gizonezkoen 600 kilokoan.

1936ko gerrako biktimei omenaldi hunkigarria eskaini diete Beran

  Gizartea  Bortziriak  Bera

Argaitzeko harrobian plaka eta murala bistarazi eta lore eskaintza egin dute eta Herriko Etxeko plazan, eskultura inauguratzeaz gain, Aurreskua, abestiak eta esker oneko hitzak eskaini dizkiete orduko errepresaliatuei eta senideei


Azken urteotan hainbat herritan –tartean Beran– 36ko gerran izandako jokaera eta krimen gaitzesgarriak saihesteko asmoz eta berriz gerta ez daitezen, bakea, erreparazioa, ideien defentsa baketsua eta aniztasun errespetuaren alde lan egin da. Horren harira, Berako Udalak omenaldi hunkigarria eskaini die orduko biktimei eta beraien ondorengoei, azaroaren 18an egindako ekitaldian.

»» Ikusi argazki guztiak (52)

Santa Zezilia ospatu dute egunotan Berako musikariek

  Kultura  Bortziriak  Bera

Abesbatza eta musika banda karrikaz karrika ibili dira ortzirale arratsean eta Zizkuitz txarangako kideek karrikak alaitu zituzten larunbatean


Santa Zezilia eguna hurbiltzen ari da eta Berako musikariek beraien eguna gogoz ospatzen hasiak dira. Azaroaren 16an, ortzirale arratsaldean Berako abesbatza eta musika banda elkarrekin atera ziren Altzate karrikan barna. Biharamunean, larunbatean, garai bateko Zizkuitz txarangako kideek ospatu zuten eguna. Bera eta Lesakako musikariak berriz elkartu ziren goizez eta beraien musikarekin gozatu zktuzten Berako karrikak, Gure Txokoan bazkaldu baino lehen. 

»» Ikusi argazki guztiak (9)

Nabarmenak

Zorion agurrak