Kanttonberriko beilatokia funeraria-enpresa guztiei ireki die Berako San Jose Zahar Etxeko patronatuak

Ttipi-Ttapa 2017ko mai. 12a, 07:32

Tanatorios Iracherekin zuen kontratua bertan behera utzi ondotik

Hemendik aitzinera Berako Kanttonberriko beilatokia funeraria-enpresa guztiei irekitzea erabaki berri du San Jose Zahar Etxeko Patronatuak. Horiek horrela, orain arte Tanatorios Iracherekin zuen kontratua bertan behera uztea erabaki dute eta lokala erabiltzeko aukera edozein funerariari zabaltzea. 

San Jose zahar etxeko beilatokia erabili ahal izateko aurretik izena eta enpresaren datuak eman beharko dira zahar etxean. Enpresa erabiltzaileak beran “IAE”n alta eman beharko du. Enpresa hauetakoren batek beilatokia erabili behar badu zahar etxera deituko du hau erreserbatzeko.

Tarifak hauek izanen dira eta urtero KPIarekin eguneratuko dira. Berakoek: 116 euro. Berakoak ez direnek: 155 euro.

Erabiltzaileak beilatokia hartu zuen egoera berdinean utziko du.  Hala ez bada moldaketen kostua bere gain izanen da. Beilatokia erabiltzeko giltza zahar etxean hartuko da eta zerbitzua bukatzean bertan itzuli.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun