Javier Sagarzazu, Josu Urtizberea eta Juan Carlos Olaetxea margolariek osatutako epaimahaiak lana gogotik egin behar izan zuen, aurkeztutako lanen kategoria handia baitzen. Azkenean, 1.000 euroko lehen saria Erandioko Jose Miguel Arranz margolariaren lanari ematea deliberatu zuten. Bigarren saria (600 euro) Eibarko Esteban Oroz-ek eskuratu zuen. Horretaz gain, ohorezko bertze hiru aipamen egin zizkieten Bergarako Juan Jose Altuna, Berako Manolo Sanz eta Carlos Espinaren lanei.
Aitor Elexpuru zinegotzia Berako Udalaren izenean eta Jaione Dozagarat Gure Txokoako presidentea izan ziren sari banaketan.