Espainiako Gobernuak abian duen Landa Garapen Iraunkorreko Programaren barne, Bertizaranako behar eta proiektuen zerrendak aurkeztu dira, dagokionak azterketa eta balorazioa egin dezan. Eta Legasaren kasuan, hauek dira egindako ekarpenak:
Alde batetik, herriko bideen sailean, Irisoko bidea moldatzeko laguntza eskatu da. Gutti goitibeheiti kilometro bateko luzera izanen luke, eta horrekin batera Leokadira doan bidea ere konpondu nahi da. 72.500 euroko aurrekontua izanen luke.
Bertizko parkearen ekintzen osagarri gisa, aterpe turistiko bat sortzeko ere dirulaguntza eskaera egin da. 200.000 euroko aurrekontua izanen luke.
Ugaldea eta merenderoa ere moldatu nahi dira, gozamena eta harrera-gunea eta ingurumenaren mantenua bermatuz. Kasu honetan, aurrekontua 120.000 eurokoa da.
Eta oraingo Kontzejua konpontzeko 35.000 euro eskatu dira.