«Bertako jendeak eta sortzen den giroak egiten ditu bestak berezi»

  Gizartea  Baztan  Lekaroz

«Bertako jendeak eta sortzen den giroak egiten ditu bestak berezi»

Aitor ALMANDOZ, Lekarozko gaztea

Nekazaritza du lanbide Aitor Almandoz 20 urteko lekaroztarrak. Berak onartu digunez, hori delako «betidanik gustatu izan zaidana». Are gehiago, bere hitzetan, «niretako lana baino gehiago, bizitzeko modu bat da». Mutil «jatorra, bestazalea eta arras lagungarria» dela ere kontatu digu, baina gisa berean, «batzuetan lotsatia eta beldurtia ere» badela aitortu digu. Mendia, animaliak eta musika dira bere zaletasun haundienetako batzuk. Eta ez da ahantzi bere lagunez ere: «lagunekin besta eder bat egitea» ere bere afizioen artean sartu baitu.

Lekarozko San Bartolome bestak abuztuaren 22tik 26ra ospatuko dituzte

  Gizartea  Baztan  Lekaroz

Lekarozko San Bartolome bestak abuztuaren 22tik 26ra ospatuko dituzte

Astearte arratseko 8etan botako den txupinazioaren ondotik, hainbat ekitaldi izanen dituzte

Lekarozko San Bartolome bestak abuztuaren 22tik 26ra ospatuko dituzte, ekitaldiz gainezka. Astearte arratseko 8etan botako dute txupinazoa eta bortz egunez egitarau zabala izanen dute.

Hirugarren mailari ekinen dio Baztan Futbol Taldeak larunbatean

  Kirola  Baztan

Hirugarren mailari ekinen dio Baztan Futbol Taldeak larunbatean

Ligako lehen partida larunbat arratsaldeko 6etan jokatuko du Elizondoko Giltxaurdin

Eskualdeko kirol talde gehienak 2017-18 denboraldia prestatzen ari badira ere, Baztan Futbol talde nagusiak asteburu honetan jokatuko du ligako lehen partida Elizondoko Giltxaurdi zelaian. Abuztuaren 19an, larunbat arratsaldeko 6etan hasita, CD Subiza Cendea de Galar taldea izanen du arerio

Artzain Egune arrakastatsua izan da aurten ere Amaiurren

  Gizartea  Baztan  Amaiur

Artzain Egune arrakastatsua izan da aurten ere Amaiurren

Hazparneko Gilen Etxegoienek irabazi zuen artzai zakur lehiaketa eta Orabideko Pello Pegneguy-k gasnarena

Amabirjin egunez Artzai Egune ere ospatu zuten Amaiurren eta lanbide honekin zerikusia duten hainbat ekitaldi izan ziren: artzain zakur lehiaketa, latxa arrazako ardi lehiaketa eta gasna lehiaketa.

Lesagibel artistaren lanak Arizkunenean ikusgai izanen dira abuztuaren 16tik irailaren 6ra

  Kultura  Baztan  Elizondo

Lesagibel artistaren lanak Arizkunenean ikusgai izanen dira abuztuaren 16tik irailaren 6ra

Inaugurazio ekitaldia abuztuaren 18an, ortzirale arratsaldeko 7etan eginen du

Lesagibel artista nafarraren lanak ikusgai izanen dira Elizondoko Arizkunenea Kultur Etxean abuztuaren 16tik irailaren 6ra. Egunero irekia egonen da 'N-Estetika2' izeneko erakusketa, 11:00etatik 14:00etara eta 18:00etatik 21:00etara. Inaugurazio ekitaldia abuztuaren 18an, ortzirale arratsaldeko 7etan iragarri dute.

Gobernuak eta Baztango Ehiztari eta Arrantzale Elkarteak ibaiak zaintzeko protokolo bat sinatu dute Bidasoa arroa babesteko

  Gizartea  Baztan

Gobernuak eta Baztango Ehiztari eta Arrantzale Elkarteak ibaiak zaintzeko protokolo bat sinatu dute Bidasoa arroa babesteko

Nafarroan sinatzen den ezaugarri hauetako lehenengoa da

Nafarroako Gobernuko Ingurumeneko eta Lurraldeko Antolakoetako Zuzendaritza Orokorrak eta Baztango Ehiztari eta Arrantzaleen Kirol Elkarteak Nafarroako ibaiak zaintzeko lehen protokoloa sinatu dute abuztuaren 8an Bertizko Natur Parkean, Baztan-Bidasoa eta Leitzaran ibaien ingurua elkarrekin babesteko; baita arroko Natura 2000 Sareak babestutako eremuetan ere bai (Bertizko Jaurerria, Belate eta Artikutza). 

Espainiako gerran erahil zuten Francisco Mulari omenaldia egin diote Oronoz-Mugairin abuztuaren 6an

  Gizartea  Baztan  Oronoz-Mugairi

Espainiako gerran erahil zuten Francisco Mulari omenaldia egin diote Oronoz-Mugairin abuztuaren 6an

Bizi den seme bakarra, 84 urteko Ricard Mula izan zen ekitaldi hunkigarrian, seme-alaba eta bilobekin batera

Espainiako gerran erahil zuten Francisco Mula Castrori omenaldia eskaini diote abuztuaren 6an, igande eguerdian Oronozen, Oronoz-Mugairiko herriak eta Nafarroako Fusilatuen Senitartekoen Elkarteak antolatuta. Omenaldi ekitaldiaren ondotik, oroitarria jarri dute Francisco Mula eta Concepcion Roca senar-emazteak beraien semeekin bizi ziren Iraolaenearen atarian. Hain zuzen, 1937ko urtarrilaren 25ean aita etxetik eraman zutenean lau urte zituen Ricard Mula Roca semea, emazte, seme-alaba eta bilobekin izan zen ekitaldi hunkigarrian.

Hirugarrena segidan lortu du Irurita Miguelenek Baztan-Errekako Laxoa txapelketan

  Kirola  Baztan  Irurita

Hirugarrena segidan lortu du Irurita Miguelenek Baztan-Errekako Laxoa txapelketan

Abuztuaren 5ean Doneztebeko Bear-Zana plazan jokatutako finalean 9-4 irabazi zion Irurita Biek taldeari eta hamabigarren aldiz Iruritara joan da txapela

Baztan-Errekako 38. Laxoa txapelketaren finala jokatu zen abuztuaren 5ean Doneztebeko Bear-Zanan eta azken bi urteetan bezala, Irurita Migelene suertatu zen txapeldun, Irurita Biek taldeari 9-4 irabazita. 

Amaiurko eta Iruritako ur-biltegietako proiektuen idazketak esleitu ditu Baztango Udalak

  Gizartea  Baztan

Amaiurko lanak aurten egin beharko dira eta Iruritakoak 2018an 

Baztango Udalak Amaiurko Txiskeñako iturburutik ur-biltegirako hoditegia berritzeko eta Iruritako edateko uraren hornidura hobetzeko proiektuak idatzi eta ondotik lanak zuzentzeko lanak eman berri ditu. Amaiurko kasuan gainera ur-biltegitik gaineko aldera dauden baserrietarako sarea hobetzeko proiektua ere idatzi beharko du. 

‘Negua New Yorken’ margo erakusketa zabalduko du Diana Iniestak Erratzun abuztuan

  Kultura  Baztan  Erratzu

‘Negua New Yorken’ margo erakusketa zabalduko du Diana Iniestak Erratzun abuztuan

Abuztuaren 1etik 6ra bere tailerrean erakutsi ondotik, hilaren 8tik 31 labaderoan eginen du

Negu honetan New Yorken margotu eta otsailean bertan erakutsitako margoak eta Baztanen margotutako paisaiak biltzen dituen ‘Negua New Yorken’ margo erakusketa zabaldu du Diana Iniesta margolariak abuztuan Erratzun.

Vía Campesina biltzarreko kideek Baztan bisitatu dute

  Gizartea  Baztan

Vía Campesina biltzarreko kideek Baztan bisitatu dute

Arizkungo mahastiak bisitatu eta Anizen bazkaldu zuten

Via Campesinako kideek Nazioarteko VII.konferentzia izan dute Euskal Herrian eta uztailaren 24an Anizen izan ziren mundu mailako ordezkariak.

Urteroko ospakizunaren inguruko hausnarketa iragarri du Baztandarren Biltzarra elkarteak

  Gizartea  Baztan

Urteroko ospakizunaren inguruko hausnarketa iragarri du Baztandarren Biltzarra elkarteak

Besta arrakastatsua izan bazen ere, «guti batzuen gehiegizko esfortzuari esker» izaten dela ohartarazi du elkarteak 

Baztandarren Biltzarra elkarteko kideek «pasa den igandeko bestan parte hartu zenuten guztiak, eta batez ere zerbaitetan lagundu zenutenak, zoriondu nahi zaituztegu», ohar baten bidez. Igandean bertan eta ondoko egunetan ailegatu zaizkien mezuen arabera, besta zoragarria izan zen eta «guk ere, emaitzak ikusiz, balantze positiboa egiten dugu.  Baina egia da, hala izan bazen guti batzuen (elkarteko kideak, karroza egileak, muntaketa-laguntzaileak...) gehiegizko esfortzuari  esker izan zela eta horrek ez lukeela hala izan behar». 

Arizkungo eskolaren lehorra egitea esleitu du Baztango Udalak

  Gizartea  Baztan  Arizkun

Putxiria eraikuntza enpresak eginen du udako oporraldia baliatuz 21.039 euroren truke

Baztango Udalak Arizkungo herriko eskolaren lehorra egitea Putxiriari eman dio, aurkeztutako eskaintzen artean hoberena izan delako, 21.039 euro (BEZ kanpo). Orain abuztuko ikasleen oporrak baliatuz arkupea egin beharko dute, ikasturtea hasi orduko. 

Baztango Udalak harrera egin die Saharako neska-mutikoei

  Gizartea  Baztan

Baztango Udalak harrera egin die Saharako neska-mutikoei

Joseba Otondo alkateak ongi teoría eskaini zien euskaraz, gazteleraz eta hasaniez

Aurten ere zenbait haur saharar gure artean ditugu, 21 hain zuzen ere. Horietatik 12 Bakelekun, Elizondoko Lanbide eskolan, ete bertze 8 familietan. Horrela, uztailean eta abuztuan gurekin batera oporretaz gozatzen ari dira. Urtero bezala Baztango Udalak bere harrera beroa eskaini zien larunbat honetan, uztailaren 15ean.

Artearen Ibilbidea eginen dute aurten ere Baztanen

  Kultura  Baztan

Artearen Ibilbidea eginen dute aurten ere Baztanen

Ohiko erakustokietan eta denda eta ostatuetako erakusleihoetan ikusgai izanen dira artelanak uda honetan

Uda honetan ere, Baztango herri ezberdinak margolan eta eskultura erakustokiak izanen dira. Ohiko erakustokiez gain, zenbait dendetako erakusleihoetan ere agertuko dira artelanak.

Elizondoko abesbatzaren plazako iturria berriz martxan

  Gizartea  Baztan  Elizondo

Elizondoko abesbatzaren plazako iturria berriz martxan

Abesbatzaren 75. urteurrenari keinu egin nahi izan zaio eta uztailaren 12ko ospakizun ekitaldi ttikian Maria Jesus Arregi garai bateko zuzendaria eta bertze zenbait izan dira

Egiturazko arazoengatik urteak geldirik zeramatzan Elizondoko Abesbatzaren plazako iturria konpondu eta abiarazi du Baztango Udalak. Konponketak Elizondoko Abesbatzari buruzko keinua izan nahi du, aurten 75 urte bete dituelako. Horrela, uztailaren 12an, asteazken eguerdian abesbatzako kideekin ospakizun ekitaldi ttipia egin dute. Tartean zen, bertze hainbatekin, Maria Jesus Arregi garai bateko abesbatzaren zuzendaria.

Ernesto PRAT URZAINKI: «Orokorrean literaturak ezagutzen ez duen Baztan ageri da nobelan»

  Kultura  Baztan

Ernesto PRAT URZAINKI: «Orokorrean literaturak ezagutzen ez duen Baztan ageri da nobelan»

Telleria eta gero, zer? izenburupean, bere hirugarren eleberria kaleratu du Ernesto Prat Urzainki baztandarrak Elkar argitale­txearekin. Bere hirugarren eleberria da eta bere hitzetan, «herritarren Baztan agertu dut liburuan, ez lainoen ­azpiko Baztan bukoliko eta turistikoa». Izenburuak «helburu ­bikoi­tza» omen du: Aroztegiko proiektuarekin paralelismoa bilatzen saiatu dela adierazi digu, baina gisa berean, jendearen jakin-mina piztu nahi izan duela ere aitortu digu, galderaren erantzuna bila dezan.

14 lan aurkeztu dituzte (H)ilbeltza bekarat

  Kultura  Baztan

14 lan aurkeztu dituzte (H)ilbeltza bekarat

Genero beltzeko nobela sortzea da aurtengo helburua eta datorren urteko deialdian, itzultzea izanen da 

Urte honen hasmentan aurkeztu zuten (H)ilbeltzako kideek beka baten erronka, Baztango Udala eta Txalaparta argitaletxearekin batean. Ekainaren 23an hetsi zen proiektuak aurkezteko epea eta hamalau lan jaso ditu Udalak. 

Nabarmenak

Zorion agurrak