Ikastaroa, dastaketa, dantzak eta aunitzez gehiago
Ortzegunean, urriaren 17an, 19:00etan sagar-dastaketa ikastaroa izanen dute Gamioxarrean. Gabriel Durrutik, Eztigar Kooperatibako kideak, eskainiko duen ikastaroan Baztanen aurki daitezkeen zenbait sagar bereizten eta dastatzen ikasiko dute. Biharamunean, Lanetik musikara goiburupean, sagar-jotzea, tinkatzea eta kupeleratzea izanen dute hurbildu nahi duten guztiendako. 17:00etatik 20:00etara luzatuko da hitzordua. Larunbatean borobilduko dute besta, kirikoketa jotzearekin. Mutil-dantza herrikoiak eta txalaparta herrikoia izanen dute plazan. 12:00etan, dolareko lanak akitu ondotik, zehaztu dute zita.