erran.eus

Hasberriendako eztigintza eta erlezaintza ikastaroa antolatu du Hazitik Hoziek

  Gizartea  Baztan  Elizondo

Maiatzaren 20an, 10:00etatik 12:00etara eginen dute Arizkunenean

Baztango agroekologia eskola herritarreko bertze ikastaro bat antolatu du Hazitik hoziek: Eztigintza eta erlezaintza- Hasberriendako hastapenak. Maiatzaren 20an, larunbatean Arizkuneneako aretoan, goizeko 10etatik 12etara eginen den ikastaroan Nik gustura paratuko nuke kofoin bat, baina nondik hasi? Zeintzuk dira horretarako gutxiengo baldintzak? moduko galderak eta gehiago ere elkarrekin ikusiko dituzte. 

Hasberriendako eztigintza eta erlezaintza ikastaroa antolatu du Hazitik Hoziek
Erlezaintza eta eztigintzaren munduan hasteko lehen urratsen berri emanen dute ikastaroan. | Ikusi handiago | Argazki originala

 

Mundu interesgarri honetan estreinuz sartu nahi den edonori zuzenduta egitarau zabala prestatu dute: Morfologia (Erleen ezaugarri fisiologikoak), Haziera zikloa (Erleen bizi-zikloa), Bertako espeziea (Bertan dugun erle-espeziaren ezaugarriak), Bizkarroia eta harraparia (Erleen izurrite eta etsaiak), Ekipamendua eta lanabesak (Lanerako gutxiengo tresnak); Kofoinak, modelo anitzak; Nondik hasi: Kokapena (Kofoina non paratu), Ama berria (Hasteko beharrezko erregina nola lortu), Nukleoa, zer den (Ama lortzeko modu anitzetako bat hau da), Zer da zer (Gure kofoinean topa ditzakegun aldaerak), Noiz zer egin (Urteko eginbeharrak).

 

Izen-ematea: hazitikhozie@gmail.com

 

2017/05/20 10:00

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa