Joan den apirilaren 5ean Baztango Berroeta herrian bertako 22 lagun elkartu ziren bertze lan batzuen artean herriko inguruen garbiketari auzo lanean ekiteko. Lanaldi gogorraren ondotik 1.500 kilo inguru hondakin herrigune eta inguruetatik atera eta zabortegira eramatea lortu zuten.
Bertan bildutakoen artean plastikoak txatarra, gurpilak, bateriak, eraikin eta eraespen hondarrak, jostailuak, etab. ikus zitezkeen. Miren Meoki, Baztango Udaleko Hondakin teknikariak zoriondu nahi izan du Berroetako herria, «benetan zoriontzekoa egindako lana! sentsibilizazio ekintza bikaina! Ia Baztango gainerako herrietako biztanleok ere ikasten dugun eta piskanaka gure inguruak garbitzen joateaz gain, hainbertze ez zikintzeko ardura hartzen dugun».