San Antongo zozketako boletoen talonario bat ebatsi dute Elizondoko Beti Jai ostatutik eta horregatik, Baztan Balleko Udalak bandoa zabaldu du Francisco Joaquin Iriarte Zahar Etxearen izenean.
Talonarioa ebastearen ondorioz, talonario horretako zenbaki guztiak deuseztatu eginen dira. Hau da, 6301etik 6400 zenbakira arteko boleto guztiak baliogabetu dituzte. Norbaitek zenbaki hauekin dauden boletoak baldin baditu Baztango Udalera eraman beharko ditu.