Julian Iribarren Etxeberria, duela 49 urte Erratzun sortu eta Barañainen bizi zen moto gidaria trafiko istripuan hil zen irailaren 11n, igande arratsaldean. Berak gidatzen zuen motoak furgoneta bat jo zuen N-121-B errepidean, Arizkungo Laurentx inguruan.
Istripua igande arratsaldeko 15:56 inguruan gertatu zen eta Nafarroako Larrialdi Agentziak bi anbulantzia, Oronoz-Mugairiko sugiltzaileak eta Elizondoko Osasun Zentruko mediku taldea mugiarazi zituen, baina ez zuten deus egiterik izan, talkaren ondorioz berehala hil baitzen gizasemea.
Julian Iribarren Etxeberria Erratzuko Gorostapolo auzoko Senperenean jaioa zen eta Barañainen bizi bazen ere, auniztan bueltatzen zen sorterrira, lagun aunitz bertan baitzituen.