Baztango Rugby Taldeak aurredenboraldiari ekin zion abuztuaren 25ean. Baztango taldea lehendabiziko maila nazionalean ari da eta berrikuntza aunitz ditu aurten. Aipagarria da Jean Bordagarray ipar euskaldunaren etorrera, entrenatzaile eta zuzendari tekniko lanean aritzeko. Datozen 4-5 urtetarako proiektua landuko du Bordagarray-ek eta kategoria guzietako taldeei lan-ildo bateratuak ezarriko dizkie. Modu berean, azpimarratu beharrekoa da bigarren lerroko Iñaki Ezkurra jokalariaren itzulera, gan den denboraldian Ohorezko Mailako Ordizia taldean jokatu ondotik. Gainera, aurten nesken talde berria sortu da. Nazioartean hainbat partida jokatu dituen Agurtzane Obregozo lekaroztarra arituko da, Kanadan irailean burutu den nesken Munduko errugbi txapelketan jokatu ondotik.
Jean Bordagarray izanen da zuzendari teknikoa
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun