Urtero bezala, hizkuntz normalizazioaren plangintzaren barnean, euskara bultzatzeko dirulaguntzak banatu ditu Balleko Udalak. Udalbide erakundea izan da kopururik haundiena eskuratu duena, 7.500 euro. Xorroxin Irratiak eta Xaloa Telebistak, bakoitzak 5.628,20 euro hartuko ditu. Ttipi-ttapa aldizkariak 4.353,89 euro hartuko ditu eta AEKko Suinki euskaltegiak 4.247,70 euro. Etxetik Plazara proiektuak 1.274,29 euro hartuko ditu eta Kantu Zaharraren Egunak 1.000 euro. Nafarroa Oinez eta Herri Urratsek, bakoitzak 309,90 euro hartuko ditu. Iazko kopuruei IPCaren igoera gehitu dio aurten Udalak.