Duela bost urte, amets bati segika, hiritik landa eremurako bidea hartu zuen Remirez-Omaetxebarria familiak. Geroztik Aresoko Sastizar baserria dute bizitoki eta bizibide, bertan landetxea irekita. Momentu gozoan harrapatu zituen Alarma Egoerak, baina mundua gelditu ondotik erreserbak bertan behera nola gelditzen ziren ikusi dute. Orain egokitu, eutsi eta beraien eta bezeroen ilusioa berpizteko gogoz ari dira lanean.

Koloretako atorra jantzi eta eskean ibiltzeko heldu den urtera arte itxaron beharko dute Aresoko Lagunarteko kideek. Gaur gaurkoz, festa ohiko moduan ospatzeko baldintzak ez direla betetzen ikusita, ekaineko azkeneko asteburuko ospakizunak bertan behera uztea erabaki dute.