Hasteko, uztailarem 1etik abuztuaren 30era Mikel Belaskoainen ‘Lilura-Olerki magikoak’ erakusketa ikusgai izanen da Bertizko natur parkeko hainbat gunetan
Kultur 2022 programaren barrenean uztailaren 1etik abuztuaren 31ra izanen da natur parkeko hainbat gunetan
Kultur Etxeak hartuko ditu Luis Lainsa eta Vicente Garroren argazkiak
Otsango auzoko Irisarri etxean, egunero 17:30etik 20:30era
Bi urteren ondotik herritarrak gogotsu daude sanlorentzoak ospatzeko
Aurretik, eguerdian ‘Etxera bidean’ mosaikoa antolatu du Leitzako Sarek, kantu-jira eginen dut eta jubilatuen eta kantu bazkaria ere izanen dituzte
Bi urtez ospatu ezinik egon ondotik, Sunbillako santiburtzio bestak abuztuaren 10ean abiatuko dira. 20:00etan botako dute txupinazoa herriko etxetik, baina aitzinetik, 18:00etan herri kirol saioa ere izanen dute. Txupinazoaren ondotik, bortz eguneko egitarau zabala izanen dute. Ortzirale arratsean Antrorock jaialdia, Antrotokiren 20. Urteurrena ospatuz, larunbat arratsaldean XIX. Ramon Latasa saria eta igandean, akitzeko, pilota jaialdia, mus txapelketa, Txamukos mariatxiak eta herri-afaria, bertze hainbat ekitaldiden artean.
Inoiz baino goizago abiatuko dira aurten Oronoz-Mugairiko bestak. Amabirjin eguna astelehena denez, asteburua aprobetxatu nahi izan dute eta abuztuaren 12an, ortzirale eguerdian botako dute txupinazoa eta Amabirjin egunean akituko dituzte bestak, karaoke herrikoiarekin. Larunbateko gazteen egunean, bazkariaz eta jokoez gain, Koiputre gauean kontzertuak izanen dituzte.
Arantzan ere Amabirjin egunaren aitzineko asteburua aprobetxatu nahi dute eta ortzirale eguerdian botako dute txupinazoa, azken bestez geroztik jaiotako haurrei ongietorria eman bidenabarkoan. Herriko dantzarien emanaldia eta herri bazkaria ere izanen dute ortziralean Bankako Menditarrak taldeak alaitua. Larunbatean herri kirola txapelketak izanen dira, igandean auzo arteko desafioa eta astelehenean hainbat pilota partida, bertzeak bertze. Bestak, berez, asteleheneko Amabirjin Egunarekin bukatuko badira ere, hurrengo larunbatean, abuztuak 20, Arantza Rock izanen da.
Antrotoki elkartearen 20. Urteurrena ospatuz, Antrorock jaialdia antolatu dute Sunbillako plazan abuztuaren 12an, ortziralean 23:00etan hasita. Kaos Etiliko talde ezaguna izanen da gaueko izarra, baina aitzinetik Mendillorriko Buruhandiak punk-ska taldeak joko du eta ondotik, Eztitan taldearekin erromeria izanen da.