Eguerdian meza, bazkaria La Basquen eta bazkalondoan mus txapelketa jokatuko dute
Nafarroako Musika Banden Federazioko banda sinfonikoaren eskutik ‘Musikaband’ emanaldia entzungai izanen da apirilaren 24an, igandean 12:30ean Lesakako Harriondoa kultur etxean. Emanaldi honetarako sarrerak 8 eurotan eskura daitezke Lesakako udalaren webgunean.
Irain eskola publikoko eta Tantirumairu ikastolako guraso elkarteek, Lesakako Udalaren laguntzarekin antolatuta, zinema euskaraz izanen dute apirilaren 24an, igandean 17:00etan Harriondoa Kultur Etxean. Zehazki, Charlie eta txokolate fabrika filma emanen dute, adin guztietarako egokia den filma. Sarrera 2 euro kobratuko dute.
Zuberoako Bonbon Beltz antzerki konpainiak, 'Harri Minak' antzezlana taularatuko du Berako Kultur Etxean igandean 18:30ean. Udalbiltzaren Geuretik Sortuak programaren barnean sortu du konpainiak antzezlana, eta Amancay Gaztañagak zuzendu du. Emanaldirako sarrerak aitzinetik salgai daude Agara prentsan bortz euroan.
Thierry Biscary abeslari baxenabartarrak emanaldia eskainiko du igandean Elizondoko Arizkunenea kultur etxean 19:00etan. Baztango Udalak antolatu du emanaldia, eta sarrera doan izanen da.
'Kultura zure atean' goiburupean hainbat kultur ekitaldi antolatu ditu herriko etxeak, hamabortz elkarteren laguntzaz. Apirilaren 9tik 24ra, izanen da zer ikusi belaunaldien arteko ekitaldietan, kontzertu, antzerki, erakusketa, dantza, proiekzio eta bertze sorpresa anitz. Egitaraua
Ramon Zabalegi artista irundarraren lanak ikusgai daude Berako Labiaga Ikastolako Areto Nagusian. 'Akatsa da bidea, baina bada biderik gabeko akatsik ere' izena du erakusketak, eta larunbatean ireki eta ekainaren 5a bitartean egonen da ikusgai larunbatetan eta igandetan 16:00etatik 20:00etara.