Nafarroako Odol Emaileen Elkartearen autohemotekak edo unitate mugikorrak Goizuetan eginen du geldialdia etzi, urtarrilaren 31n. 17:30etik 20:30era odol emaileei mediku kontsultategian eginen diete harrera eta odol ematea plazan egin beharko da. Beti bezala, hitzordua hartua dutenek ematen ahalko dute odola.
Labiaga ikastolako areto nagusian, urtarrilaren 22tik martxoaren 27ra Oaia Peruarena Telletxea margolari beratarraren lanak ikusgai izanen dira urtarrilaren 22tik martxoaren 27ra arte, biak barne, Labiaga ikastolaren areto nagusian. Larunbat eta igandetan, 16:00etatik 20:00etara irekiko dituzte aretoaren ateak.
Aldaketa eta murrizketa handiekin izanen bada ere, inauteriak ospatzeko erabakia hartu dute Aurtitz, Ituren eta Zubietan. Zubietako gazteek ilbeltzaren 15ean egindako bileran eerabaki zuten eta Iturengo batzordeak ere berdintsu jokatu du. Beraz, joare soinuak adituko dira berriz.