San Antoneko igandean urtero mendi ibilaldia antolatu izan du Lesakako Beti Gazte elkarteak. 2020an, elkartearen 80. Urteurrenaren harira ibilaldi arautua antolatu zuen lehen aldiz Plaza Zaharretik San Antonera. Joan den urtean bertan behera utzi behar izan zuten, baina aurten berriz ere antolatu du iganderako.
Endara auzoko bi jatetxeek ez dituzte ateak irekiko, baina halere mezak izanen dira San Anton baselizan eta arratsaldean musika Plaza Zaharrean.
Amua antzezlana taularatuko du Axut! kolektiboak urtarrilaren 23n, igandean 19:00etan Iruritako Gizate Bilgunean. Maite Larburu, Manex Fuchs eta Ximun Fuchs aktoreak izanen dira taula gainean.
Labiaga ikastolako areto nagusian, urtarrilaren 22tik martxoaren 27ra Oaia Peruarena Telletxea margolari beratarraren lanak ikusgai izanen dira urtarrilaren 22tik martxoaren 27ra arte, biak barne, Labiaga ikastolaren areto nagusian. Larunbat eta igandetan, 16:00etatik 20:00etara irekiko dituzte aretoaren ateak.