LeitzEKO kontsumo taldeak, Leitzako Udalaren laguntzarekin, Leitza eta Aresoko produktuen azoka eta azienda erakusketa antolatu du. 10:00etatik 14:00etara Leitzako Euskal Herria plazan eginen dute, eta eguraldi txarra baldin bada, Amazabal frontoian eta inguruan.
Amorante bakarlariak eta Choc Gazel taldeak joko dute Santa Katalina kaperan. Sarrerak 10 eurotan daude salgai.
Leitzako kiroldegian izango da saioa 17:30ean. Sarrerak bertsosarrerak.eus atarian erosi daitezke.
18:30ean izanen da bakarrizketa, Doneztebeko zineman. Sarrera doan izanen da.
Larunbatetan eta igandetan egonen da ikusgai erakusketa 16:00etatik 20:00etara.
Kultur etxean eta liburutegian ikusgai izanen da azaroaren 3tik abenduaren 2ea eta Liburu bat eginen dut tailerra ere eginen dute azaroaren 17an.
Iñaki Pikabea sukaldariaren eskutik sukaldaritza tailerra antolatu dute Lesakako Beti Gazte eta Basurde elkarteek, udalaren laguntzaz. Azaroaren 12an eta 19an emanen dute, ortziraletan 18:00etatik 20:00etara Basurde elkartean.
Zurezko joko festibala izanen dute asteburuan Senpereko Larreko kulturgunean. Ekitaldi hori 2019n antolatu zuten lehen aldiz eta urtetik urtera ohikoa bilakatzen ari zaigu kultur egitarauan. Aurten ere Arbaso elkarteak antolatu du azaroaren 13an eta 14an eta Larreko kulturgunean iraganen da 10:00etatik 18:00ak arte.