Euskal Herri osoko 300 bat dantzari ibiliko dira Baztango karriketan eta Argentinako eta Uruguaiko taldeak pantailaren bidez ikusteko aukera ere izanen da.
Eguna borobiltzeko Trikidantz taldearekin dantza egiteko aukera izanen dute Ekitaldiz betetako eguna antolatua dago Iturenen urriaren 2rako, larunbat honetarako. Ttikiek izanen dute protagonismoa goizetik, ttikienak haur jolasetan ibiliko baitira eta zazpi urtetik goitikoak, berriz, ginkanan. Ostatuan izanen den bazkariarekin segituko dute. Akitzeko, berriz, Lur Korta ipuin kontalaria izanen da kontu kontari eta egitaraua borobiltzeko, ilunabar partean, Trikidantz taldeak kontzertua emanen du eta dantzatzeko aukera izanen da.
Urritik ekainera eginen dute ikastaroa larunbatero eta irailaren 30era arte apunta daiteke.
Ameli eta Xirrikituen Jostunek ariko da kultur etxean 18:00etan.
Larunbat honetan, urriaren 2an, eginen dute Leitzako erraldoi eta buruhandien konpartsaren aurkezpena. Konpartsako kideek 18:00etan plazan egin dute hitzordua eta orduan erakutsiko dituzte udalak erositako bi erraldoi berriak zein diren.
Urriaren 2an, larunbatean, 18:30ean Berako Kultur etxean izanen dira Aitziber Garmendia eta Jon Plazaola umoristak haien azken lana aurkezteko, Losers. Berako Udalak eta Kultur Batzordeak antolatu dute antzerkia, Nafarroako Antzoki Sarearen babesarekin. Ikuskizuneko sarrerak eskuragarri daude Agara Prentsan 7 eurotan.
Aitziber Garmendia eta Jon Plazaola antzezle ezagunak ariko dira 18:30ean hasita, kultur etxean.
Aspace Nafarroaren 50. urteurrena dela eta, Berako kultur etxean argazki erakusketa antolatu du Berako Uxane zentroak. Erakusketa irailaren 20tik urriak 3ra egunero irekia egonen da 10:00etatik 13:00etara.
Urriaren 31 arte aurkez daitezke posta elektroniko bidez. Lehiaketan edonork har dezake parte. Gaia librea den arren, sari berezia izanen du kirol argazki onenak. Parte hartzaile bakoitzak gehienez hiru lan aurkez ditzake eta argazkiak koloretakoak zein zuri beltzean izan daitezke. JPG formatuan eta gehienez ere 1.200 pixeleko luzeera izanen dute.
Gani Mirzo kurduak musika emanaldia eskainiko du ortziralean eta Mielotxin taldearen musika eta dantza proiektua aurkeztuko dute larunbatean, Kurdistango Mirzo Music Fundazioaren alde.
Monasteriora eta errotara bisitak, solasaldiak eta bertze hainbertze ekitaldi ere izanen dira asteburuan