Baztan-Bidasoko artisauek osatutako Argitsu elkarteak heldu den iganderako, uztailaren 25erako, azoka antolatu du. Elizondoko plazan 17 postu inguru paratuko dituzte eta 10:00etatik 14:00etara egurrarekin egindako lanak, gozokiak, bitxiak, xaboi eta ukenduak... erosteko aukera izanen da.
Ohiko herriko bestarik ez baina seinale gisa Trikidantzen kontzertua izanen dute uztailaren 25ean, igandean, Elgorriagan. 19:00etan zehaztua dute hitzordua. Ondotik, abuztutik aitzinera kultur ekitaldi gehiago izanen dituztela ere jakinarazi dute, «baina oraindik ez dugu zehaztu».
Elizondoko konpartsaren eskutik, asteburuan erraldoien erakustaldia izanen dute herriko Iriarte pilotalekuan. Uztailaren 24an, larunbatean, 11:15ean eta igandean, uztailaren 25eabm 10:15ean eta 11:15ean dituzte hitzorduak. Aitzineratu dutenez, sarrera mugatua izanen da eta musukoa derrigorrezkoa izanen da.
Iriarte pilotalekuan izanen dira ekitaldiak eta edukiera mugatua izateaz gain, musukoa derrigorrezkoa izanen da.