Harriondoa Kultur Etxean emanen dute kontzertua ekainaren 11n, 20:00etan. Sarrerak Telletxea eta Xagu dendetan eros daitezke bortz euroren truke.
Berako Ricardo Baroja eskolaren 40. urteurrena dela eta egiten ari diren jardueren artean, oraingoan, argazki erakusketa bat antolatu dute. Ricardo Baroja eskola: 40 urte argazkitan erakusketa hau, kultur etxean egonen da publikoari irekita, gaurtik hasita hiru asteburutan. Ortziraletan 17:00etatik 19:00etara eta larunbatetan eta igandetan 11:00etatik 13:00etara eta 17:00etatik 19:00etara izanen da ikusteko aukera.
Urtero, Berako bestetako programarekin batera, Berako Oihua aldizkaria banatuko ohi da etxeetan. Aurten bestak izan ez direnez Uda bizia udako programazioarekin batera argitaratuko da. Norbaitek artikuluren bat argitaratu nahi badu, epea irekita dago eta ekainaren 13a izanen du azken eguna bere testua eta irudiak kultura@bera.eus helbidera bidaltzeko.
Berako Labiaga Ikastolako ikasleek erakusketa irekiko dute larunbat honetan Altzate karrikako ikastolako Areto Nagusian. Ekainaren 20a bitarte larunbat eta igandetan izanen da aukera erakusketa bisitatzeko, 16:00etatik 20:00etara. Urtean zehar egin dituzten lanak jarri dituzte Areto Nagusian, ikasle bakoitzeko lan bana.
Google Drive eta Classroom programak erabiltzeko ikastaroa eginen dute ekainaren 9an, 10ean eta 11n Kultur Etxean.
Ostiralean Goizuetan hiru partida jokatuko dituzte, larunbatean Lekunberrin beste lau eta igandean Leitzan bost. Horrela erabakiko dituzte Goizuetako Umore Ona, Leitzako Aurrera, Larraun eta Araxes pilota elkarteek antolatutako bigarren Mendialdeko Binakako Txapelketako irabazleak zein diren. Eskualdeko hainbat pilotari gaztetxo izanen dira finalean.
Ostiralean, larunbatean eta igandean Goizuetako V. Umore Ona Pilota Txapelketako hainbat partida jokatuko dituzte. Mutilen kasuan, finalerdiak izanen dira eta nesketan, berriz, ligaxkako partidak. Hurrengo asteburuan ere mutiletan finalerdiak eta nesketan ligaxkako partidak izanen dituzte.